قايىر سۇراۋشىلار مەن جەزوكشەلەرگە ايىپپۇل سالىنادى
ادۆوكات دجوحار وتەبەكوۆتىڭ ايتۋىنشا، اكىمشىلىك قۇقىق بۇزۋشىلىق تۋرالى كودەكستىڭ جاڭا رەداكتسياسىندا بۇل ارەكەت ءۇشىن ايىپپۇل تولەۋ مەن تۇتقىنداۋ قاراستىرىلعان. ازىرشە جەزوكشەلەردە كوشەدە ەركىن جۇمىس ىستەي بەرمەك، قۇقىق قورعاۋ ورگاندارى اراگىدىك ولاردى اتى- ءجونىن انىقتاۋ ءۇشىن عانا پوليتسيا ۋچاسكەسىنە اكەلىپ تۇرادى.
«قوعامدىق ورىنداردا جابىسۋ» اتالاتىن جاڭا باپ بويىنشا جۇرتتى مەزى قىلاتىن قايىرشىلار، بالگەرلەر مەن جەزوكشەلەرگە ءبىرىنشى زاڭبۇزۋشىلىعى ءۇشىن 5 ا ە ك كولەمىندە ايىپپۇل سالىنادى، زاڭدى قايتا بۇزعاندار قاماۋعا الىنادى. وتەبەكوۆ ەشكىمگە كەدەرگى كەلتىرمەيتىن جەزوكشەلەر مەن قايىرشىلارعا بۇل باپتىڭ قاتىسى بولمايتىنىن ايتتى. «اكىمشىلىك حاتتامانى ىشكى ىستەر ورگاندارى قىزمەتكەرلەرى تولتىراتىن بولادى. زاڭ شەتەلدىكتەر مەن ازاماتتىعى جوق تۇلعالارعا مەيلىنشە قاتاڭ قاراماق. قوعامدىق ورىنداردا ءبىر رەت جۇرتتىڭ مازاسىن العانى ءۇشىن ولار بەس تاۋلىككە دەيىن قامالۋى مۇمكىن، كەيىن ەل اۋماعىنان شىعارىلادى. جاڭا تالاپ ماسكەۋ تاجىريبەسىن جانە رەسەي استاناسى اكىمشىلىك قۇقىقبۇزۋشىلىق تۋرالى كودەكسىن نەگىزگە العان. قازىرگى ۋاقىتتا جاسوسپىرىمدەردىڭ قايىر سۇراۋى عانا جازالانىپ وتىر، ول ءۇشىن زاڭ اتا- اناسىنا 20 ا ە ك كولەمىندە ايىپپۇل سالادى. ەگەر اتا- اناسى نەمەسە باسقا ازاماتتار كامەلەتكە تولماعانداردى قايىرشىلىققا قاساقانا يتەرمەلەگەن بولسا، بۇعان قىلمىستىق جاۋاپكەرشىلىك قاراستىرىلادى»،- دەيدى وتەبەكوۆ.
ەسكە سالا كەتەيىك، پرەزيدەنت اكىمشىلىك قۇقىقبۇزۋشىلىق تۋرالى جاڭا كودەكسكە قول قويعان بولاتىن. ول اكىمشىلىك- دەليكتىلىك زاڭنامانى جەتىلدىرۋگە، ازاماتتاردىڭ قورعالعاندىعىن ارتتىرۋعا، زاڭعا قارسى قول سۇعۋلاردان مەملەكەت مۇددەسىن قورعاۋعا باعىتتالعان. بۇرىن ەلىمىزدە جۇرتتىڭ مازاسىن الىپ، قايىر سۇراۋ مەن بال اشۋعا ماجبۇرلەۋ ارەكەتى ءۇشىن ەشكىم جازالانبايتىن، دەپۋتاتتار بۇل ماسەلەنى 2013 - جىلى كوتەردى. جاڭا زاڭعا ساي، قوعامدىق ورىنداردا ادامدارعا جابىسىپ، ءوز قىزمەتتەرى مەن تاۋارلارىن ۇسىناتىن ساۋداگەرلەر مەن جەزوكشەلەر جانە باسقا دا تۇلعالار جازالاناتىن بولادى.
