ادەمىلىگىمەن الەمدى تاڭقالدىرعان قازاق قىزدارى - فوتو
ءبىز بۇل رەتتە سۇلۋ دا نازىك بولمىسىمەن الەمدى تاڭ قالدىرعان قازاق قىزدارى جايىندا از- كەم اڭگىمەلەپ بەرۋدى ءجون كوردىك. اڭگىمەمىزدىڭ ءالقيسساسىن جوعارىدا تىلگە تيەك ەتىپ كەتكەن ءسابينانىڭ وزىنەن باستاساق.
ءسابينا التىنبەكوۆا
ءسابيناعا بۇل «سىي» كۇتپەگەن جەردەن كەلدى. سپورتشى قىزدىڭ ءوزى دە از عانا ۋاقىتتىڭ ىشىندە وسىنشاما جانكۇيەردى قالاي جيناپ العانىن تۇسىنە الماي الەك. تايپەيدە وتكەن جاسوسپىرىمدەر اراسىنداعى ازيا چەمپيوناتىندا ەلىكتىڭ لاعىنداي سۇيكىمدى قىزعا سۇقتانا قاراعانداردىڭ قاتارى كوپ بولدى. قازاقستاندىق ارۋعا جەرگىلىكتى جانكۇيەرلەر ەرەكشە قۇرمەت كورسەتىپ، الەۋمەتتىك جەلىلەردە دوستىق حابارلاماسىن جىبەرۋشىلەردىڭ سانى ساعات سايىن ارتا ءتۇستى. قازىرگى تاڭدا ونىڭ «ينستاگرامم» الەۋمەتتىك جەلىسىندەگى پاراقشاسىنا 300000 مىڭنان اسا جانكۇيەرى جازىلعان. قىتايلىق باسىلىمدار جارىسا جازعان قازاق قىزىن امەريكالىق ءبىرقاتار ب ا ق- تار دا قىزۋ تالقىعا سالدى. ءتىپتى، امەريكالىقتار ء«سابينا التىنبەكوۆانى ۆولەيبول ويىنى ءۇشىن تىم سۇلۋ» دەپ ەسەپتەيتىندىگىن مالىمدەدى. ءسابينا تۇسكەن الەۋمەتتىك جەلىدەگى ۆيدەوروليكتى 2 ميلليون 200 مىڭنىڭ ۇستىندە ادام تاماشالاعان ەكەن.
تايپەي تۋرنيرىنىڭ «ەڭ ادەمى ويىنشىسى» وسىلايشا از ۋاقىتتىڭ ىشىندە ۇلكەن اتاققا يە بولدى. كەشە باتىستىق باسىلىمدار سپورت تاريحىندا بىردە- ءبىر جۇلدەگە ىلىكپەي، سۇلۋلىعىنىڭ ارقاسىندا جۇرتتىڭ نازارىن وزىنە اۋدارعان سپورتشىلاردىڭ ءتىزىمىن جاريالادى. سول ءتىزىمنىڭ ءبىرىنشى ساتىسىندا ءدال وسى ءسابينا التىنبەكوۆا تۇر.
جاننا جۇماليەۆا
قازاقستان ارۋى جاننا جۇماليەۆا 2011 - جىلى الەمنىڭ ەڭ سۇلۋ 15 بويجەتكەننىڭ ءبىرى اتانعان دى. لوندون تورىندە وتكەن «الەم ارۋى-2011» بايقاۋىندا ەل نامىسىن قورعاعان جاننا جۇماليەۆا «توپ- مودەل» اتاعىن ەنشىلەدى. دۇنيەنىڭ ءتورت بۇرىشىنان 122 ۇمىتكەر قاتىسقان بايقاۋدا ۇزدىكتەردىڭ قاتارىنان كورىنۋ ۇلكەن جەتىستىك بولاتىن. ورالدا تۋىپ- وسكەن جاننا ماسكەۋدەگى جوعارعى وقۋ ورىندارىنىڭ ءبىرىن ءتامامداعان. پاريجدىك «Natalie agency» اگەنتتىگىنىڭ مودەلەرى پاريجدەگى جانە ماسكەۋدەگى ءسان اپتالىقتارىنا قاتىسقان. قازاقستان ارۋى قايىرىمدىلىق شارالارىنا دا بەلسەنە ارالاسىپ جۇرەدى ەكەن.
كۇنبيكە نۇر قىزى
اعىمداعى جىلدىڭ قاڭتار ايىندا كۇنبيكە نۇر قىزى بۇكىل قىتايلىق قىز سىنى بايقاۋىنىڭ باس جۇلدەسىن يەلەندى. قىتايدى مەكەن ەتەتىن 56 ۇلت وكىلى اراسىندا وتكىزىلگەن بايقاۋدا ونەرىمەن، كوركىمەن، تالانتىمەن قىتايلاردىڭ تاڭدايىن قاقتىرعان قازاق ارۋى «56 ۇلتتىڭ گۇلى» دەگەن اتاقتى ەنشىلەدى. كۇنبيكە قازاق، قىتاي جانە اعىلشىن تىلدەرىن ەركىن مەڭگەرگەن. سونىمەن بىرگە ول دومبىرا تارتادى، ءان سالىپ، بي بيلەيدى جانە تاەكۆوندومەن شۇعىلدانادى. مۇنىڭ الدىندا قازاق قىزى «شىنجاڭ ۇيعىر اۆتونومياسى ارۋى» بايقاۋىنا دا قاتىسىپ، ەڭ ادەمى ارۋ اتانعان. قازىر ول قىتاي تەلەارنالارىنىڭ بىرىندە تەلەجۇرگىزۋشى بولۋدى ارماندايدى.
سايدا ءادىلوۆا
اجارىمەن الەمدى مويىنداتقان ارۋلاردىڭ ءبىرى - سايدا ءادىلوۆا. ول «Miss Asia Moscow-2013» بايقاۋىندا جەڭىمپاز اتانعان- دى. حالىقارالىق دارەجەدەگى بۇل بايقاۋعا رەسەي فەدەراتسياسىنان - التاي، بۋراتيا، قالمىقيا، تىۆا، حاكاسيا، ياكۋتيا، تمد ەلدەرىنەن - قازاقستان، قىرعىز تۇركىمەنستان، ۆەتنام، وڭتۇستىك كورەيا جانە موڭعوليا ەلدەرىنىڭ سۇلۋلارى قاتىسقان بولاتىن.
جيىرما بەس جاستاعى الماتىلىق ارۋ ماماندىعى بويىنشا كيىم سانگەرى. ول Eat Models مودەلدىك اگەنتتىگىندە قىزمەت ەتەدى.
زارينا دياس
جيىرما جاستاعى تەننيسشى زارينا دياس بۇگىندە ءبىراز اسۋدى باعىندىرىپ ۇلگەردى. ول بۇگىن جاڭارعان WTA رەيتينگىندە قازاقستاننىڭ ءبىرىنشى راكەتكاسى اتانىپ، ءوزىنىڭ مىقتىلىعىن تاعى ءبىر مارتە دالەلدەپ بەردى. زارينا دياس بيىلعى جىلى وتكەن «ۇلكەن دۋلىعانىڭ» ەكى بىردەي تۋرنيرىندە ءساتتى ونەر كورسەتىپ، بۇرىن- سوڭدى ەش قازاق سپورتشىسى باعىندىرماعان Australian Open- نىڭ ءۇشىنشى كەزەڭىنە دەيىن جەتكەن بولاتىن. ءدال وسى اۆستراليا اشىق چەمپيوناتىندا پورتۋگالدىق جۋرناليستەر زارينانى ءتۋرنيردىڭ باستى سەنساتسياسى دەپ، ەلدەن ەرەك نازار اۋدارعان- دى. رەسەيلىك Sports.ru پورتالى دا 20 جاستاعى قازاق قىزىن «بۇگىنگى كۇننىڭ ۇزدىك ارۋى» دەپ تانىپ، ادەمىلىگىن اسپەتتەپ جازعان بولاتىن. ءتۇر- سيپاتى دا، كوردتاعى ويىنى دا كوز تارتاتىن قاراگوزىمىزدىڭ الار اسۋى ءالى الدا.
دايىنداعان: نۇرجىگىت ايدارحان
massaget.kz
