فۋتبول ماتچى كەزىندە جانكۇيەردىڭ قولىنداعى گراناتا جارىلدى

استانا. قازاقپارات - ماكەدونيادا فۋتبول چەمپيوناتىنىڭ ءبىرىنشى تۋرىنىڭ «پەليستەر» جانە «ۆاردار» كلۋبتارىنىڭ اراسىنداعى ماتچ كەزىندە جارىق-شۋلى گراناتا جارىلعان.

ويىن 3- تامىز كۇنى بولعان. دودانىڭ سوڭعى مينۋتتارىندا «ۆاردار» كلبۋىنىڭ جانكۇيەرلەرى مەن پوليتسەيلەردىڭ اراسىندا قاقتىعىس ورىن العان. دۇربەلەڭ كەزىندە پوليتسيا قىزمەتكەرلەرىنىڭ ءبىرى قولىنان جارىق-شۋلى گراناتانى ءتۇسىرىپ العان.

 سناريادتى جانكۇيەرلەردىڭ ءبىرى قولىنا العان ساتتە ول جارىلىپ كەتكەن. سالدارىنان جانكۇيەر قولىنان ايىرىلدى. سونداي-اق ونىڭ جانىندا بولعان بىرنەشە ادام دا جاراقاتتانعان.

وقيعانىڭ سەبەپ-سالدارىن ماكەدونيانىڭ ىشكى ىستەر مينيسترىلىگى تەكسەرمەك. ماتچتا «ۆاردار» كومانداسى 1:0 ەسەبىمەن جەڭىسكە جەتكەنىمەن، ونىڭ وكىلى «جانكۇيەرلەرىمىز زارداپ شەگىپ جاتسا، ونداي جەڭىستىڭ ەش ءمانى جوق» ەكەنىن جەتكىزگەن، دەپ جازادى 101greatgoals.com