قىزدىڭ ابىرويىن ساۋداعا سالعان ايەل سوتتالدى
تەرگەۋشىلەردىڭ مالىمەتىنشە، 26 جاستاعى ايىپتالۋشى شىمكەنتتىڭ 17 جاسار تۇرعىنىن جىنىستىق جولمەن اقشا تابۋعا ۇگىتتەگەن. جەڭگەتاي وقۋشى قىزعا ەلۋ مىڭ تەڭگە ۋادە ەتىپتى.
كليەنت پەن ءجاسوسپىرىمنىڭ كەزدەسۋى الدىندا قىزدىڭ پاك ەكەنىن دارىگەر تەكسەرىپ بەرىپتى. سودان كەيىن «ءتىرى تاۋار» ءۇشىن اقشا الماق بولعان كەزىندە جەڭگەتاي قولعا ءتۇستى. ايتا كەتۋ كەرەك، كليەنت پوليتسيا قىزمەتكەرلەرىنىڭ ارنايى ادامى بولىپ شىقتى.
جەڭگەتايدىڭ سوتى جابىق رەجيمدە ءوتتى. و ق و جاسى كامەلەتكە تولماعاندار جونىندەگى ارنايى سوتىنىڭ ءتوراعاسى سەرىكباي تولەپبەرگەنوۆتىڭ ايتۋىنشا، ايىپتالۋشى كەلىنشەك تاعى ءبىر جاس قىزدى جىنىستىق قاتىناسقا تۇسۋگە ماجبۇرلەگەن. بۇل ءۇشىن 20 مىڭ تەڭگە ۋادە ەتىپتى.
سونىمەن، سوتتىڭ شەشىمىمەن جەڭگەتاي بەس جىلعا تۇرمەگە قامالدى. ول ءوزىنىڭ جازاسىن جالپى رەجيمدەگى اباقتىدا وتەيتىن بولادى. ايتا كەتۋ كەرەك، سوتتالعان ازاماتشانىڭ 1,5 جاسار بالاسى بار. ءسابي ارنايى ورتالىققا تاپسىرىلاتىن بولادى. بۇعان قوسا جاسى كامەلەتكە تولماعاندار ءىسى جونىندەگى ينسپەكتسيانىڭ جۇمىسى جازادان تىس قالمادى.
