شۇمەنوۆتى جەڭگەن حوپكينس گولوۆكينعا شۇيلىكپەك

استانا. قازاقپارات - 49 جاستاعى امەريكالىق بەرنارد حوپكينس قازاقستاندىق گەننادي گولوۆكينگە قارسى كەزدەسۋگە قىزىعۋشىلىق بىلدىرگەنىن راستادى، دەپ حابارلادى Boxingscene.com.

ءوزىنىڭ كەلەسى كەزدەسۋىن حوپكينس رەسەيلىك سەرگەي كوۆاليەۆقا قارسى وتكىزەدى. بۇل كەزدەسۋ وسى جىلدىڭ قاراشاسىندا وتەدى. الايدا سودان كەيىن حوپكينس گولوۆكينمەن وتەتىن كەزدەسۋ ءۇشىن بىرنەشە كەلىدەن ارىلۋعا دايىن. امەريكالىق بوكسشى كەزدەسكىسى كەلەتىن ەكى سپورتشىنىڭ اتىن اتادى - اندرە ۋورد پەن گەننادي گولوۆكين.

ەسكە سالا كەتەيىك، بەرنارد حوپكينستىڭ بەيبىت شۇمەنوۆكە قارسى كەزدەسۋى 20- ءساۋىر كۇنى ءوتىپ، امەريكالىقتىڭ پايداسىنا شەشىلگەن بولاتىن. گولوۆكينعا كەلەر بولساق، ول ءوزىنىڭ سوڭعى كەزدەسۋىن 27- شىلدە كۇنى ا ق ش-تا وتكىزدى جانە رينگكە ەكى- ءۇش ايدان كەيىن قايتىپ كەلۋگە دايىن. الايدا WBA جانە IBO الەم چەمپيونىنىڭ كەلەسى قارسىلاسىنىڭ ەسىمى ءالى اتالعان جوق، دەپ جازادى vesti.kz.