قانداي جاسوسپىرىمدەردىڭ ۇيقىسىزدىققا شالدىعاتىنى انىقتالدى

استانا. قازاقپارات - تاياۋداعى شەتەل عالىمدارىنىڭ زەرتتەۋى كەشكى ۋاقىتتا بەلسەندى بولاتىن جاسوسپىرىمدەر ۇيقىسىزدىق پەن دەپرەسسياعا ءجيى شالدىعاتىنىن كورسەتتى، دەپ جازادى شەتەلدىك ب ا ق.

زەرتتەۋ بارىسىندا 8-12 جاس ارالىعىنداعى 300 دەن استام اۆستراليالىق مەكتەپ وقۋشىسىنان ساۋالاناما الىندى. جاسوسپىرىمدەردەن ولاردىڭ قانشا ۋاقىت ۇيىقتايتىنى، پسيحيكالىق ساۋلىعى مەن ولاردىڭ باسقا كەزگە قاراعاندا الدەقايدا بەلسەندى بولاتىن ۋاقىتى سۇرالدى. زەرتتەۋشىلەر بالاڭ جاسىندا ۇيقىسىزدىقتىڭ بولۋى دەپرەسسيا، مازاسىزدىق جانە كۇيزەلىسپەن بايلانىستى ەكەنىن انىقتاعان، دەپ حابارلادى Times of India.

كوپتەگەن ەلدەردە 13 تەن 16 جاسقا دەيىنگى جاسوسپىرىمدەردىڭ 11 پايىزى ۇيقىسىزدىققا شالدىققان. ۇيقىسىزدىق مازاسىزدىقپەن بىرگە دەپرەسسيانى دا تەرەڭدەتەدى. «سالدارىنان، مىسالعا، ءجاسوسپىرىم شاعىندا ىشىمدىك پەن ەسىرتكىگە اۋەس بولۋى مۇمكىن»، - دەيدى ادەلايدا ۋنيۆەرسيتەتىنىڭ زەرتتەۋشىسى پاسكۋالە الۆارو.