ە ق ى ۇ قاراباق جانجالىن جەدەل شەشۋگە شاقىردى
«ولار (ە ق ى ۇ ءتوراعاسى جانە مينسك توبىنىڭ مۇشەلەرى) ارمەنيا مەن ازەربايجان پرەزيدەنتتەرىنە شيەلەنىستى تارقاتۋ ماقساتىندا شۇعىل شارالار الۋ جونىندە ءوتىنىش جاسادى، سونداي-اق اتىستى توقتاتۋ تۋرالى كەلىسىمدى قۇرمەتتەۋگە شاقىردى»، دەلىنگەن مالىمدەمەدە. سونىمەن بىرگە، مينسك توبىنىڭ مۇشەلەرى جانە ە ق ى ۇ ءتوراعاسى قازا بولعانداردىڭ وتباسىلارىنا كوڭىل ايتتى.
بەيسەنبى كۇنى، 31- شىلدەدە مويىندالماعان تاۋلى- قاراباق رەسپۋبليكاسىنىڭ ارمياسى شەكارادا ەكى اسكەري قىزمەتشىلەرىنىڭ مەرت بولعانىن، ال ازەربايجان قورعانىس مينيسترلىگى توعىز اسكەري قىزمەتىنىڭ قازاعا ۇشىراعانىن حابارلادى. سەنبى كۇنى ءازىربايجان قورعانىس مينيسترلىگى قاقتىعىس شەگىندە 1- تامىزدان 2 سىنە قاراعان ءتۇنى اتىس بولعانىن، ءتورت ادامىنان ايرىلعانىن حابارلادى. مويىندالماعان تاۋلى قاراباق رەسپۋبليكاسى ءوز تاراپىنان ءبىر اسكەري قىزمەتشىنىڭ قازا بولعانىن حابارلادى.
قاراباق جانجالى 1988- جىلعى اقپاندا باستالدى، نەگىزىنەن ارميان باسىم تاۋلى قاراباق اۆتونوميالىق وبلىسى (ت ق ا و) ازەربايجان ك س ر ءى قاراماعىنان شىعاتىنىن مالىمدەدى. 1991- جىلعى قىركۇيەكتە ت ق ا و ورتالىعى ستەپاناكەرتتە تاۋلى قاراباق رەسپۋبليكاسى قۇرىلعانىن جاريالاندى. رەسمي باكۋ بۇل اكتىنى زاڭسىز دەپ تانىدى جانە كەڭەس جىلدارى ءومىر سۇرگەن قاراباق اۆتونومياسىن تاراتتى.
بۇدان كەيىن باستالعان قارۋلى جانجال 1994- جىلعى 12- مامىرعا دەيىن تاتۋلاسۋ تۋرالى كەلىسىم كۇشىنە ەنگەنشە جالعاستى. سونىڭ ناتيجەسىندە ازەربايجان تاۋلى قاراباقتى جانە ونىڭ ماڭىنداعى جەتى اۋدانىمەن تولىق نەمەسەە ءشىنارا باقىلاۋدان شىعارىپ الدى. 1992- جىلدان بەرى ە ق ى ۇ مينسك توبىنىڭ اۋقىمىندا جانجالدى بەيبىت رەتتەۋ جونىندە كەلىسسوزدەر جۇرگىزىلۋدە.
