09:38, 03 - تامىز 2014 | GMT +5
ەندى ۇيالى بايلانىس پەن ينتەرنەتسىز س م س-حابارلاما جىبەرۋگە بولادى
استانا. قازاقپارات - SMS-حابارلامانى ەندى ۇيالى بايلانىس پەن ينتەرنەتسىز دە جىبەرۋگە بولادى.
سەبەبى، «گوۋتەننا» دەپ اتالاتىن قۇرىلعى كادىمگى راتسيا سياقتى جۇمىس جاسايدى.
ول انتەننامەن جابدىقتالعان. ىسكە قوسۋ ءۇشىن ۇيالى تەلەفونعا ارنايى باعدارلامانى ەنگىزۋ كەرەك.
سوسىن «گوۋتەننانى» Bluetooth ارقىلى سمارتفونعا قوسىپ، شالعاي ايماقتاعى دوستارمەن حات الماسۋعا بولادى. ءبىراق ونىڭ بايلانىس مۇمكىندىگى قالالىق جەرلەردە 1 جارىم شاقىرىمعا، ال تاۋلى ايماقتاردا 80 شاقىرىمعا دەيىن شەكتەلەدى.
«دەگەنمەن ساياحاتشىلار ءۇشىن بۇل بىردەن-ءبىر قاجەتتى قۇرىلعى»، - دەيدى ونى ويلاپ تاپقان اعالى-قارىنداستى نيۋ-يورك تۇرعىندارى. سونداي-اق ونىڭ تابيعي اپاتتاردان زارداپ شەگىپ، بايلانىس جەلىلەرىنەن اجىراعان ادامدار ءۇشىن كومەگى زور بولماق.
«گوۋتەننا» قاراشا ايىنان باستاپ ساۋداعا تۇسەدى. قۇرىلعىنىڭ قوس داناسىنىڭ قۇنى 150 ا ق ش دوللارىن قۇراماق.
«حابار» تەلەارناسى
