ايگىلى ەسترادا ءانشىسى ساحنامەن قوش ايتىسپاق

استانا. قازاقپارات - رەسەيلىك ايگىلى ەسترادا ءانشىسى ەديتا پەحا الداعى ەكى جىل ىشىندە شوۋ-بيزنەستەن كەتەتىنىن ءمالىم ەتتى.

بۇل تۋرالى ول ءوزىنىڭ تۋعان كۇنىنە وراي سانكت-پەتەربوردا ۇيىمداستىرىلعان كونسەرت بارىسىندا ايتتى.

ءانشىنىڭ ايتۋىنشا، ونىڭ سىر بەرگەن دەنساۋلىعى بۇرىنعىداي بەلسەندى ءومىر سۇرۋگە كەدەرگى كەلتىرۋدە، دەپ جازادى شەتەلدىك ب ا ق.

«ارقام قاتتى اۋىرادى، دارىگەرلەر ازىرگە ونى ەمدەي الماي وتىر»، - دەيدى ءانشىنىڭ ءوزى.

پەحانىڭ قىزىنىڭ ايتۋىنشا، اناسى وسى كونسەرتىنىڭ الدىندا بۇل ساحناعا سوڭعى رەت شىعۋى ەكەنىن بىرنەشە رەت ەسكەرتە بەرگەن.