الماتىدا تۇڭعىش رەت ۆون گوگقا ارنالعان ينتەراكتيۆتى كورمە اشىلدى - فوتو
ياعني، Sensory-4 جۇيەسىندە جۇمىس ىستەيتىن قىرىق كينوپروەكتور ءبىر مەزەتتە ۆان گوگتىڭ كارتينالارىن سلايد رەتىندە ەدەننەن جانە قابىرعادان بىرىنەن سوڭ ءبىرىن باياۋ كورسەتىپ جاتتى. كارتينالاردىڭ تاقىرىبىنا، ونداعى كورىنىستەرگە قاراي ءار ءتۇرلى ناقىشتا مۋزىكا وينالىپ تۇردى.
ءتىپتى، مىسالى كومپيۋتەردىڭ كومەگىمەن تۋىندىلارداعى ديىرمەننىڭ اينالۋى نەمەسە گۇلدىڭ، وسىمدىكتەردىڭ جەلگە تەربەلۋى كورەرمەندەرگە ەرەكشە اسەر ەتتى.
«ۆان گوگتىڭ شىعارماشىلىعى ەكى ەل اراسىنداعى دوستىق قارىم-قاتىناستى ودان سايىن نىعايتا تۇسەدى. ءبىزدىڭ زامانىمىزدا ءوزىڭىز بىلەسىز، بيزنەس پەن ەكونوميكا عانا ەمەس، مادەنيەت تە دوستىقتىڭ دانەكەرى بولا الادى. ال ۆان گوگ بۇل جەردە ءوزىنىڭ ءومىر جولىمەن، ادام ءۇشىن ارمانعا قول جەتكىزۋدىڭ وتە ماڭىزدىلىعىن جانە وعان ادال بولۋ كەرەكتىگىن ايقىن كورسەتىپ بەرگەن» - دەدى ءوز سوزىندە نيدەرلاند كورولدىگىنىڭ قازاقستانداعى ەلشىسى حانسا دريسسەرا.
كورەرمەن نازارىنا ۇسىنىلعان تۋىندىلار ۆينسەنت ۆان گوگتىڭ ءومىرى مەن شىعارماشىلىعىنان سىر شەرتەدى. شوۋ سۋرەتشىنىڭ اۆتوپورترەتتەرىنەن باستالىپ، جاستىق شاعىندا جازعان تىرناقالدى تۋىندىلارىنا ۇلاسادى. ول كەزەڭدەگى كارتينالار سۇر، بوزعىلت رەڭگە يە. ودان كەيىن سۋرەتشىنىڭ فرانسيادا ءومىر سۇرگەن كەزەڭىندەگى سۋرەتتەرى كورسەتىلەدى. وندا تۋىندىلار اشىق، جارقىن تۇستەرگە يە. بۇل كەزەڭدە ۆان گوگ سۇلۋ تابيعات كورىنىستەرىن شىعارماشىلىعىنا ءجيى ارقاۋ ەتكەن. ارلە قالاسىندا اتاقتى «كۇنباعىستار» كارتيناسىن سالدى. كەيىن ءومىرىنىڭ سوڭىنا قاراي ۆان گوگ پسيحيكالىق دەرتتەن زارداپ شەككەنى بەلگىلى.
بۇل مۋلتيمەديالىق كورسەتىلىم سۋرەتشىنىڭ ەگدە تارتقان شاعىنداعى اۆتوپورترەتتەرىن كورسەتۋمەن اياقتالدى.
«دوستىق پلازا» ساۋدا ويىن-ساۋىق كەشەنىندە اشىلعان كورمە الماتىدا الداعى 1- قازانعا دەيىن جالعاسادى.
اۆتور: جاپپاربەرگەن ايبوتا
