مەيىرىمدى ايۋ قارعانى اجالدان قۇتقاردى - كەسكىن

استانا. قازاقپارات - جانۋارلار دا كەيدە جۇرەك جىلىتاتىن مارتتىك ارەكەتتەرگە بارا الادى ەكەن. بۋداپەشتتەگى حايۋاناتتار باعىندا ايۋ توعاننان قارعانى الىپ شىعىپ، ولىمنەن قۇتقاردى.

قۇستىڭ توعانعا قالاي ءتۇسىپ كەتكەنى بەلگىسىز، حايۋاناتتار باعىنا كەلۋشى قۇتقارۋ بارىسىن بەينەجازباعا ءتۇسىرىپ ۇلگەرگەن. سۋدا الاسۇرعان قۇستى ايۋ تىسىمەن قۇرعاق جەرگە الىپ شىعادى.

بريتاندىق Independent باسىلىمىنىڭ جۋرناليستەرى YouTube دە بەينەتاسپانى كورىپ: «بالكىم، ءبىز ءوز قۇلقىنىن ويلاعان ايۋدى باقىلاپ تۇرعان شىعارمىز. ءبىراق بۇل قارعاعا جانى اشىعان الەمدەگى ەڭ مەيىرىمدى ايۋ دەپ جاقسىلىققا جورىعانىمىز ءجون بولار»، دەپ اتاپ وتەدى.

شىنىمەن دە قارعانى سۋدان الىپ شىققان ايۋ وعان ەش قىزىعۋشىلىق تانىتپاي، تۇسكى اسىن جەۋدى جالعاستىرا بەرگەن. ال ەسەڭگىرەپ قالعان قارعا اياعىنان تىك تۇرسا دا، ايۋدىڭ تورىنان ۇشىپ كەتۋگە اسىقپادى.

بەينەجازبادا ونىڭ بيىلعى 19- ماۋسىمدا تۇسىرىلگەنى كورسەتىلگەن. سودان بەرى ونى 400 مىڭ عالامتور پايدالانۋشىسى تاماشالاعان.