15:07, 01 - تامىز 2014 | GMT +5
قازاقستان اۋە كومپانياسىنىڭ ۇشقىشتارى كولىك اپاتىنا ۇشىرادى
الماتى. قازاقپارات - الماتىدا «ەير استانا» اۋە كومپانياسىنىڭ ميكرواۆتوبۋسىن جيپ قاعىپ كەتتى. اپات سالدارىنان 4 ادام جاپا شەكتى. بۇل تۋرالى اۋە كومپانياسىنىڭ باسپا ءسوز قىزمەتى حابارلادى.
«الماتىدا «تويوتا سيۋرف» كولىگى «ەير استانا» قىزمەتكەرلەرىن تاسيتىن ميكرواۆتوبۋستى قاعىپ كەتتى. وقيعا تۇنگى 01:30 دا ورىن العان.
كولىكتە بولعان ەكى بورتسەرىك پەن ەكى ۇشقىشقا مەديتسينالىق كومەك كورسەتىلدى. ەكى بورتسەرىك قازىر اۋرۋحاناعا جاتقىزىلدى. ولاردىڭ ءبىرى ورتا دارەجەلى جاراقات العان. اۋە كومپانياسى جاپا شەككەن قىزمەتكەرلەردىڭ ەمدەۋ شىعىنىن وتەپ بەرەدى»، - دەلىنگەن حابارلامادا.
قازىر اتالعان دەرەك بويىنشا تەرگەۋ امالدارى جۇرگىزىلۋدە.
اۆتور: گۇلميرا ءعوسمانالي
