10:14, 01 - تامىز 2014 | GMT +5
بۇگىن استاناداعى ەڭ بيىك جاڭا قوناق ءۇي العاشقى كەلۋشىلەرىن قابىلدايدى
استانا. قازاقپارات - استاناداعى قازىرگى تاڭداعى ەڭ بيىك مەيمانحانانىڭ تەرەزەسىنەن قالا كوركى ەرەكشە كوزگە تۇسەدى. بۇل «Astana Marriot Hotel» بۇگىن قالا تۇرعىندارى مەن قوناقتارىنا ءوز ەسىگىن ايقارا اشپاق.
«Marriot» برەندىنىڭ بارلىق ستاندارتتارىنا ساي سالىنعان مەيمانحانا سول جاعالاۋداعى دوستىق كوشەسىندە ورنالاسقان. 28 قاباتتى مەيمانحانادا 271 جايلى بولمە، 6 امبەباپ كونفەرەنتسيا زالى مەن 3 مەيرامحانا، سونىمەن بىرگە جابدىقتالعان جاتتىعۋ زالى مەن جابىق باسسەينى بار دەنساۋلىق كلۋبى ورنالاسقان. كەلۋشىلەردى ءتانتى ەتۋ ءۇشىن عيماراتتىڭ ەڭ توبەسىنە بار ورنالاستىرىلعان. بۇل جەردەن قالا الاقانداعىداي كورىنەدى.
حالىقارالىق دەڭگەيدەگى مەيمانحانانىڭ اشىلۋى ەلوردادا ءتۋريزمدى دامىتۋدىڭ ماڭىزدى جوباسى بولىپ تابىلادى. ول شەتەل قوناقتارىنىڭ ءجيى كەلۋىنە جانە استانا مەن ەلىمىزدىڭ ءيميدجىن ارتتىرۋعا وڭ ىقپالىن تيگىزبەك، دەپ حابارلايدى ەلوردا اكىمدىگىنىڭ رەسمي سايتى.
