10:02, 01 - تامىز 2014 | GMT +5
ءتىس ەمحاناسىندا دارىگەردىڭ ەككەن دارىسىنەن سوڭ كوز جۇمعان
استانا. قازاقپارات - رەسەيدىڭ ساراتوۆ وبلىسىندا ءتىس ەمحاناسىندا دارىگەر ءدارى ەككەن سوڭ 17 جاستاعى جىگىت كوز جۇمعان.
قازىر ونىڭ ولىمىنە قاتىستى قىلمىستىق ءىس قوزعالعان. قالالىق ءتىس ەمحاناسىنا ءتىسىن ەمدەتۋگە كەلگەن جاسوسپىرىمگە ەمحانا قىزمەتكەرلەرى جەرگىلىكتى جانسىزداندىرۋ ينەكتسياسىن ەككەن. الايدا وسىدان كەيىن بوزبالا ەسىنەن تانىپ قالعان. اق حالاتتىلار وعان جاردەم كورسەتۋگە تىرىسقان، ءتىپتى، جەدەل جاردەم بريگاداسىن شاقىرعان. الايدا ءجاسوسپىرىم ەسىن جيماستان قايتىس بولعان.
قۇقىق قورعاۋ ورگاندارىنىڭ مالىمەتىنشە، ءولىمنىڭ تۋىنداۋىنا مەديتسينالىق پرەپاراتتىڭ ەمدەلۋشىنىڭ اعزاسىنا ەنگىزىلگەن سوڭ انافيلاكتيكالىق تالىقسۋ تۋدىرۋى سەبەپ بولعان. قازىر ءىس ر ف ق ك «ءوز كاسىبي مىندەتىن ءتيىستى دەڭگەيدە اتقارماۋ سالدارىنان ابايسىزدا ادام ءولتىرۋ» بابى بويىنشا تەرگەلۋدە، دەپ حابارلايدى يتار-تاسس.
