09:28, 01 - تامىز 2014 | GMT +5
وڭتۇستىك قازاقستان وبلىسىدا «اقمولا» مەشىتى اشىلدى- فوتو
استانا. قازاقپارات - وڭتۇستىك قازاقستان وبلىسى تاعى ءبىر جاڭا مەشىتپەن تولىقتى. سارى عاش اۋدانىنىڭ جاڭا تىرشىلىك اۋىلىندا بوي كوتەرگەن مەشىتتە ءبىر مەزگىلدە 300 ادام قۇلشىلىق ەتە الادى.
مەشىتتىڭ اشىلۋ سالتاناتىنا ق م د ب ءتوراعاسى، باس ءمۇفتي ەرجان قاجى مالعاجى ۇلى قاتىسىپ، ءوز ريزاشىلىعىن ءبىلدىرىپ، ىزگى تىلەگىن جولدادى. سونداي-اق باس ءمۇفتي مەشىتكە قاسيەتتى قۇران كارىمدى سىيعا تارتتى.
ق م د ب ءتوراعاسىنىڭ ورىنباسارى، نايب ءمۇفتي، ازىرەت سۇلتان مەشىتىنىڭ باس يمامى سەرىكباي قاجى ساتىبالدى ۇلىنىڭ باستاماسىمەن سالىنعان «اقمولا» مەشىتىندە كەشە العاش رەت ازان شاقىرىلىپ، ناماز وقىلدى، دەپ حابارلانعان قازاقستان مۇسىلماندارى ءدىني باسقارماسىنىڭ رەسمي سايتىندا.
