قازاقستان ەلشىسى پەتەربوردا تونالدى

استانا. قازاقپارات - سانكت-پەتەربوردا قازاقستاننىڭ توتەنشە جانە وكىلەتتى ەلشىسى بەكجاسار ناربايەۆتى توناپ كەتتى، دەپ حابارلادى «وپەراتيۆنوە پريكرىتيە» جاڭالىقتار اگەنتتىگى.

تاراتىلعان اقپاراتقا قاراعاندا، 30- شىلدە كۇنى تاڭەرتەڭ 71 جاستاعى ديپلومات گونچارنىي كوشەسىندەگى «پاركينگ» قوناقءۇيىنىڭ مەيرامحاناسىندا قاراۋسىز قالدىرعان سومكەسىن ۇرلاتىپ العان. سومكەدە ديپلوماتيالىق ءتولقۇجاتى، ەكى فوتواپپارات جانە اقشا بولعان. ر ف ق ك 158- بابى بويىنشا قىلمىستىق ءىس قوزعالدى.

ايتا كەتەيىك، بەكجاسار ناربايەۆ - عالىم ءارى ديپلومات، كورنەكتى پەداگوگ. ول قازاقستان تاۋەلسىزدىك العاننان كەيىن سىرتقى ىستەر مينيسترلىگىنە جۇمىسقا شاقىرىلعان. ەلىمىزدىڭ تۇركياداعى، پاكىستانداعى ەلشىسى بولىپ، سىرتقى ىستەر ءمينيسترىنىڭ ورىنباسارى قىزمەتىن اتقارعان. 2007 - جىلدان بەرى قازاق ۇلتتىق اگرارلىق ۋنيۆەرسيتەتى رەكتورىنىڭ كەڭەسشىسى ءارى الەۋمەتتىك-گۋمانيتارلىق پاندەر كافەدراسىنىڭ پروفەسسورى بولىپ جۇمىس ىستەيدى.

 ب. ناربايەۆتىڭ توتەنشە جانە وكىلەتتى ەلشى ديپلوماتيالىق اتاعى بار، ساياسي عىلىمدار دوكتورى، پروفەسسور، قازاقستان ديپلوماتيالىق قىزمەتىنىڭ ەڭبەك سىڭىرگەن قىزمەتكەرى.

اۆتور: مارلان جيەمباي