09:42, 31 - شىلدە 2014 | GMT +5
ماس تۇرعىن قىتايعا ءجۇزىپ وتپەك بولعان
استانا. قازاقپارات - شەكارالىق جاساق ق ح ر-عا كاتەرمەن ءجۇزىپ وتپەك بولعان بلاگوۆەشەنسك تۇرعىنىن ۇستادى، دەپ حابارلايدى «روسسيسكايا گازەتا».
مەملەكەتتىك شەكارادان زاڭسىز وتپەك بولعان ادامدى شەكاراشىلار زەيا جانە امۋر وزەندەرىنىڭ قوسىلعان جەرىندە تاپقان. 1966 - جىلى تۋعان ەر ادام جوعارى جىلدامدىقتاعى كاتەرمەن كورشى مەملەكەتكە قاراي باعىت العان، الايدا امۋردىڭ كەمە جۇزەتىن جولىنان 200 مەتر قاشىقتىقتا ۇستالدى.
اتالعان فاكتى بويىنشا اكىمشىلىك زاڭ بۇزۋشىلىق تۋرالى حاتتاما تولتىرىلدى. كاتەر تاركىلەندى جانە قازىر شەكارالىق كەمەلەردى نەگىزدەۋ پۋنكتىندە وسى ىسكە قاتىستى تەكسەرۋ جۇرگىزىلۋدە. زاڭ بۇزۋشىنىڭ الكوگولدىك ىشىمدىك ىشكەنى انىقتالدى، دەپ حابارلادى رەسەيدىڭ امۋر وبلىسى بويىنشا ف ق ق شەكارالىق باسقارماسىنىڭ باسپا ءسوز قىزمەتىندە.
