08:57, 31 - شىلدە 2014 | GMT +5
قىتايدا الداعى بەس جىلدا ميلليونداعان اۋىل تۇرعىندارى قالالارعا كوشىرىلمەك
استانا. قازاقپارات - قىتايدا الداعى بەس جىل ىشىندە 100 ميلليونعا جۋىق اۋىل تۇرعىندارىن قالالارعا كوشىرۋ تۋرالى جوسپار جاريا ەتىلدى.
بي-بي-سي حابارلاعانداي، بۇل قىتاي ازاماتتارىنىڭ تۇرعىلىقتى جەرى بويىنشا تىركەلۋ جۇيەسىن رەفورمالاۋ كەزەڭدەرىنىڭ ءبىرى بولماق.
ايتا كەتەيىك، اتالمىش ەلدە تىركەۋگە وتىرۋ ءتارتىبىنىڭ قاتاڭداتىلۋىنا وراي قازىرگى كەزدە اۋىلدىق جەرلەردەن قالالارعا كوشىپ كەلگەن ونداعان ميلليون جاندار ءۇشىن ءبىرقاتار الەۋمەتتىك سالالار قولجەتىمسىز بولىپ قالىپ وتىر.
قىتاي بيلىگى قالالىقتار سانىنىڭ ارتۋى ەكونوميكانىڭ ءوسۋ قارقىنىن ارتتىرادى دەپ ۇمىتتەنۋدە.
