رەسەيلىك ءانشى سلاۆا قاراعاندىدا ۇشاققا جىبەرىلمەۋىنە سەبەپكەر بولعان كاسىپكەردى سوتقا بەرمەك
«نوۆىي ۆەستنيك» حابارلاعانداي، قاراعاندىلىق كاسىپكەر ولەگ سۋندۋكوۆسكيي رەيس بورت سەرىكتەرىنە انشىگە قاتىستى شاعىم جاساعان. ول ءانشى مەن ونىڭ كونسەرتتىك ديرەكتورىنىڭ اۋەجاي ىشىندە ىشىمدىك ءىشىپ، قاتتى داۋىستاپ سويلەسىپ وتىرعاندارىن بايقاعانىن ايتقان. وسىدان كەيىن ءانشى باسقا جولاۋشىلاردىڭ مازاسىن الماۋى ءۇشىن ونى ۇشاققا جىبەرمەۋ تۋرالى شەشىم قابىلدانعان.
«مەن وسى رەيس ەكيپاجىنا جولاۋشىلاردىڭ قولايلى ءارى قاۋىپسىز ۇشۋىنا جاعداي جاساعانى ءۇشىن زور العىسىمدى بىلدىرەمىن. ال سلاۆا ءۇشىن بۇل ۇلكەن ساباق بولسىن، ول مۇنداي ارەكەتتەرگە ماسكەۋدە جول بەرمەس ەدى. ەندەشە، قانشا جەردەن «جۇلدىز» بولسا دا، نەگە ول قاراعاندىدا ويىنا كەلگەن ءجونسىز ارەكەتتەردى جاساۋى ءتيىس؟» - دەيدى بەلگىلى كاسىپكەر.
ەستەرىڭىزگە سالا كەتەيىك، 20- شىلدە كۇنى قاراعاندىنىڭ «سارى ارقا» اۋەجايىنىڭ قىزمەتكەرلەرى رەسەيلىك تانىمال ءانشىنى ەسىرتكىنىڭ اسەرىمەن ءجۇر دەپ مالىمدەپ، بورتقا كىرگىزبەگەن ەدى. مەديتسينالىق كۋالاندىرۋدىڭ قورىتىندىسىندا ودان ەسىرتكىنى پايدالانۋدىڭ ەش بەلگىلەرى انىقتالماعانى، ءبىراق ىشىمدىك ىشكەنى كورسەتىلگەن بولاتىن.
