الماتى مەن ءش ۇ ا ر جىبەك جولى ەكونوميكالىق بەلدەۋىن قۇرۋدا ماڭىزدى رول اتقارادى - چە تسزيۋن

  الماتى. قازاقپارات - بۇگىن الماتى اكىمى احمەتجان ەسىموۆ شىنجاڭ وندىرىستىك- قۇرىلىس كورپوراتسياسىنىڭ (ق ح ر) ساياسي كوميسسارى چە تسزيۋندى قابىلدادى.

كەزدەسۋ بارىسىندا شاھار باسشىسى الماتى قىتاي حالىق رەسپۋبليكاسىمەن جوعارعى قارقىندى قارىم- قاتىناستى قولدايتىنىن مالىمدەدى.

«قازاقستان پرەزيدەنتى نۇرسۇلتان نازاربايەۆ مامىر ايىندا قىتايعا بارعان ساپارىندا الماتىنى جاڭا «جىبەك جولىنىڭ» ورتالىعى رەتىندە ۇسىندى.

 2013 - جىلى الماتى مەن قىتاي اراسىنداعى تاۋار اينالىمى 5,5 ميلليرد ا ق ش دوللارىن قۇراپ، %35 ارتقان بولاتىن. اعىمداعى جىلدىڭ ءبىرىنشى توقسانىندا بۇل كورسەتكىش، وتكەن جىلمەن سالىستىرعاندا %7 عا ءوسىپ، 1 ميلليارد دوللاردان استى» ، - دەدى احمەتجان ەسىموۆ.

ءوز كەزەگىندە شىنجاڭ وندىرىستىك- قۇرىلىس كورپوراتسياسىنىڭ ساياسي كوميسسارى چە تسزيۋن الماتىمەن قارىم- قاتىناستى كەڭەيتۋگە مۇددەلى ەكەنىن العا تارتتى. بۇل باعىتتا قىتايلىقتاردىڭ اۋىل شارۋاشىلىعى، لوگيستيكا، قۇرىلىس سالاسىنا قىزىعۋشىلىعى ارتىپ وتىر.

«جىبەك جولى ەكونوميكالىق بەلدەۋىن قۇرىلۋدا الماتى مەن ش ۇ ا ر ماڭىزدى رول اتقاراتىن بولادى» ، - دەدى چە تسزيۋن.

اۆتور: قانات مامەتقازى ۇلى