قازاقستاندا ەڭ ۇلكەن جالاقى كەن ءوندىرۋ ونەركاسىبى قىزمەتكەرلەرىندە - ستاتيستيكا
بۇل رەتتە اتاۋلى جالاقى يندەكسى 2013 - جىلعى ماۋسىمعا 113,5 پايىزدى، ال ناقتى جالاقى يندەكسى 106 پايىزدى قۇراپ وتىر.
اگەنتتىك مالىمەتتەرىنە قاراعاندا، سالالىق قۇرىلىمدا ەڭ ۇلكەن جالاقى كەن ءوندىرۋ ونەركاسىبى مەن كارەرلەردى قازۋ سالاسىندا بولىپ، ول 243,3 مىڭ تەڭگەنى قۇراعان، بۇل ورتاشا رەسپۋبليكالىق دەڭگەيدەن 1,9 ەسەگە ارتىق. ال كاسىبي، عىلىمي جانە تەحنيكالىق قىزمەتتەگى جالاقى - 224,0 مىڭ تەڭگە (1,8 ەسە)، قارجى جانە ساقتاندىرۋ قىزمەتىندە - 201,4 مىڭ تەڭگە (1,6 ەسە) بەلگىلەنگەن.
سونىمەن ءبىر مەزگىلدە، ەڭ تومەنگى جالاقى اۋىل، ورمان جانە بالىق شارۋاشىلىعى قىزمەتكەرلەرىندە بەلگىلەنىپ، ول 69,2 مىڭ تەڭگەنى قۇرادى، بۇل ەل بويىنشا ورتا كورسەتكىشتەن 44,5 پايىزعا تومەن.
«وڭىرلىك بولىنىستە ەڭ جوعارى جالاقى ماڭعىستاۋ وبلىسىندا بەلگىلەنىپ، بۇل 222,4 مىڭ تەڭگەگە جەتتى جانە بۇل كورسەتكىش ورتاشا رەسپۋبليكالىق دەڭگەيدەن شامامەن 1,8 ەسەگە اسادى. ال سولتۇستىك قازاقستان وبلىسىندا مۇنىڭ شاماسى 85,8 مىڭ تەڭگەنى قۇراپ، ەل بويىنشا ورتاشا دەڭگەيدەن 31,2 پايىزعا تومەن بولىپ وتىر»، - دەلىنگەن باسپا ءسوز بايانىندا.
اۆتور: قانات مامەتقازى ۇلى
