باقىت سارسەكبايەۆتىڭ اناسى بالاسىنىڭ ىسىنە ۇيالىپ، كەسكىن جولدادى

استانا. قازاقپارات - «باقىت، ءبىزدى ەندى ۇيالتا بەرمە، قازاقستان مەن وزبەكستانعا قارابەت بولدىق» دەيدى وليمپيادا چەمپيونىنىڭ اناسى.

تومەندەگى ۆيدەودا ۆالەنتينا سارسەكبايەۆا ب ا ق وكىلدەرى ارقىلى ۇلىنىڭ نەلىكتەن مۇنداي قادامعا بارىپ وتىرعانىن سۇراپ، حالىق الدىندا ۇياتتى بولعانىن ايتادى. سونىمەن قاتار، بالاسىنىڭ بۇل قادامعا بارۋعا نوتاريۋس ادەل ماكارچۋكتىڭ ايداپ سالىپ وتىرعانىن دا جەتكىزدى. «ۆرەميا» گازەتى وسىعان بايلانىستى سارسەكبايەۆتىڭ اناسىنىڭ ءسوز سويلەگەن ۆيدەوسىن دا ۇسىنىپ وتىر.

ەستەرىڭىزگە سالا كەتسەك، باقىت سارسەكبايەۆ ءوزىنىڭ اعاسى ءارى باپكەرى كارىم ماحمۋدوۆتان 5 جىل بۇرىن سىيلاعان ءۇيىن ءۇشىنشى رەت سوتقا بەرىپ تارتىپ العان بولاتىن.

«بۇل ءبىز ءۇشىن وتە ءبىر ۇيات جاعداي بولدى!»، - دەيدى ۆالەنتينا سارسەكبايەۆا. اناسىنىڭ ايتۋى بويىنشا، باقىت سارسەكبايەۆ پەن ونىڭ اعاسى كارىم ماحمۇدوۆتىڭ ورتاسىندا سىيعا بەرگەنىن راستايتىن ەشبىر قاعاز بولماعان. بۇعان اناسى نىق سەنىمدە ەكەنىن دە جاسىرمادى. ءۇيدى بەرۋ كەزىندە ارنايى كەلىسىمشارتتىڭ بولعانىن باقىت پەن ادەلدىڭ وزدەرى ويلاپ تاپقان ەكەن. وسى جاعدايلاردى ايتا كەلىپ، اناسى ءوزىنىڭ ۆيدەوجولداۋىندا باقىتقا بىلاي دەيدى:

«باقىت، ەگەر سەن وسى ماقالانى وقىساڭ، ءبىزدى ەندى ۇياتقا قالدىرما. اناۋ ايەل وعان نە ىستەپ قويعان؟ وتباسىنان كەتىپ تىندى، بالالارى مەنىڭ قولىمدا، كەلىن كۇندە جىلايدى. باحا، توقتاتشى!»

دايىنداعان: ارداق قۇلتاي

massaget.kz