كانادادا تيمۋر بەكمامبەتوۆتىڭ جاڭا فيلمىنىڭ الەمدىك پرەمەراسى ءوتتى
قورقىنىشتى جانردا تۇسىرىلگەن فيلمنىڭ سيۋجەتى بويىنشا ءولىپ قالعان قىز Skype ارقىلى ءوزىنىڭ سىنىپتاستارىمەن سويلەسە باستايدى. ونداعى بارلىق ارەكەتتەر كومپيۋتەر ەكرانىندا جۇزەگە اسادى
«Cybernatural» بيۋجەتى از فيلم بولادى، سەبەبى، ءالى تانىمال بولىپ ۇلگەرمەگەن جاس اكتەرلەر تۇسىرىلگەن دەگەن سىندى پىكىرلەر ايتىلىپ جاتسا دا، كينوكومپانيا ونىڭ بيۋجەتىنىڭ 500 مىڭ دوللار قۇراعانىن ايتىپ وتىر. ال ادەتتە بيۋجەتتىك شىعىنى از فيلم دەپ 20 مىڭ دوللارعا تۇسىرىلگەن تۋىندىلار اتالادى.
«ءبىز وسى فيلم ارقىلى قازىرگى قوعامداعى وزەكتى تاقىرىپ - كيبەرتەرروريزمدى اشىپ كورسەتۋگە تىرىستىق. ول عالامتور جەلىسى ارقىلى بۇكىل الەمگە تارالۋدا. ماسەلەن، قازىرگى جاسوسپىرىمدەردىڭ عالامتور ارقىلى جاسىرىن تۇردە ءوز قاتارلاستارىن ۇرەيگە بولەۋى - ادامدى قورقىتۋدىڭ ءبىر عانا قاراپايىم ءتۇرى»، - دەيدى ت. بەكمامبەتوۆ.
فيلمنىڭ حالىقارالىق پروكاتقا قانداي اتپەن شىعاتىنى جۋىردا بەلگىلى بولماق، دەپ حابارلايدى لەنتا. رۋ. كينوفورۋم قوناقتارىنىڭ ءوتىنىشى بويىنشا بۇگىن 29- شىلدەدە كارتينانىڭ قوسىمشا كورسەتىلىمى ۇيىمداستىرىلماق.
