08:44, 29 - شىلدە 2014 | GMT +5
مارك سۋكەربەرگ فەيسبۋكتىڭ بولاشاق جوسپارلارىمەن ءبولىستى
استانا. قازاقپارات - الەمدەگى ەڭ الپاۋىت الەۋمەتتىك جەلىنىڭ نەگىزىن قالاۋشى مارك سۋكەربەرگ ءوزىنىڭ سوڭعى سۇحباتىندا Facebook-تىڭ بولاشاق جوسپارلارىمەن بولىسە كەلىپ، ەلەكتروندى كوممەرتسيا ءۇشىن وزدەرىنىڭ جەكە پلاتفورمالارىن جاساپ شىققىلارى كەلەتىنىن ايتتى، دەپ جازادى Day.Az.
سۋكەربەرگتىڭ ايتۋىنشا، تولەمدەردى ەنگىزۋ جاقىن ارادا جۇزەگە اسپاۋى مۇمكىن. بۇل الداعى بىرنەشە جىلعا جوسپارلانعان.
جۋرناليستەرگە بۇل قادام كۇتپەگەن جاڭالىق بولمادى. كومپانيا سوڭعى جىلدارى تولەم جۇيەسىنىڭ ءتۇرلى تاسىلدەرىن سىناپ باقتى. مىسالى، Facebook Messenger وسى كۇنگە دەيىن 200 ميلليونعا جۋىق قولدانۋشى جىيعان. سوندىقتان، Facebook-تىڭ وسىلاي باستاما جاسايتىنى بۇرىننان بەلگىلى بولعان.
