قىتاي ەلىنىڭ اۋىل مەكتەپتەرى ۇلكەن ءبىر ماسەلەگە دۋشار بولدى

استانا. قازاقپارات - قىتاي ەلىنىڭ اۋىل مەكتەپتەرى ۇلكەن ءبىر ماسەلەگە دۋشار بولدى. سوڭعى كەزدەرى مەملەكەتتەگى اۋىل مەكتەپتەرى جىلدان جىلعا ازايىپ، جابىلۋ ۇستىندە.

 مۇنىڭ بىردەن ءبىر سەبەبى اۋىل تۇرعىندارىنىڭ قالالى اۋماقتارعا ۇدەرە كوشىپ جاتقاندىعى.

جەرگىلىكتى اۋىل ادامدارى ءىرىلى-ۇساقتى قالا ورتالىقتارىنا جارقىن ءومىر مەن تۇراقتى جۇمىس ورنى تابىلىپ قالا ما دەگەن ۇمىتپەن قارقىندى تۇردە جەر اۋدارىپ جاتىر. سونىڭ تاراپىنان تەحنيكۋم، كوللەدج، ۋچيليشە سەكىلدى ورتا دەڭگەيلى ارنايى ءبىلىم بەرۋ ورىندارىنا سۇرانىس جوعارىلاپ، وقۋشىلاردىڭ وقۋعا دەگەن ىنتالارى كۇننەن كۇنگە ارتىپ كەلەدى.

ەگەر ءبىز بۇنى ءبىر جاعىنان جاقسى دەپ قاراستىراتىن بولساق، ەكىنشى جاعىنان وكىنىشكە وراي تاياقتىڭ ەكى ۇشى بارى بەلگىلى. قىتايدىڭ فۋتسزيان قالاشىعىندا حۋ يانگ ەسىمدى بالا ءوز سىنىبىنداعى جالعىز وقۋشى. ياعني ءوزى توپ باسى، كەزەكشى، سپورت سەكتورى ايتا بەرسەك كوپ. ماسەلەنىڭ بارلىعى حۋ وقۋشىنىڭ پروۆينتسيا مەكتەبىندە باستاۋىش سىنىپتىڭ جالعىز عانا وقۋشىسى بولۋىندا.

ءۇش قاباتتى، 24 سىنىبى بار ورتا مەكتەپ 2005 - جىلى تۇرعىزىلعان. سودان بەرى مەكتەپ سىنىپتارى ۋاقىتى كەلە قاڭىراپ جاتىر. قازىرگى كەزدە مەكتەپتە ەكى عانا ءمۇعالىم ساباق وتەدى.

وسىدان ءبىرشاما جىل بۇرىن مەكتەپتە 80 وقۋشى بولسا، ءبىر جىلدان كەيىن ونىڭ سانى 17 گە تومەندەگەن. حۋدىڭ ۇستازى چەنگ چيسيونگتىڭ ايتۋىنشا، مەكتەپتە ەكى ءمۇعالىم بولعانىمەن ولار ءوز وقۋشىلارىن بارلىق ءپان بويىنشا مەملەكەتتىك ءبىلىم بەرۋ ستاندارتىنا ساي وقىتىپ جاتىرمىز دەيدى. ۇستازدارى حۋعا جاقسى كوڭىل ءبولىپ، وعان بارىنشا وقۋشى سەزىنۋگە تولىق جاعداي جاساپ بەرىپ جاتقان كورىنەدى.

دايىنداعان: نۇربول نۇرماحان ۇلى

massaget.kz