13:03, 27 - شىلدە 2014 | GMT +5
ن. نازاربايەۆ: گولوۆكين قازاقستاننىڭ بەدەلىن حالىقارالىق دەڭگەيدە كوتەردى، ءبىز سەنىڭ جەڭىسىڭدى ماقتان تۇتامىز
استانا. قازاقپارات - قازاقستان پرەزيدەنتى WBA جانە IBO تيتۋلىنىڭ يەگەرى گەننادي گولوۆكيننىڭ شارشى الاڭداعى كەزەكتى جەڭىسىنە وراي قۇتتىقتاۋ جەدەلحاتىن جىبەردى، دەپ حابارلايدى اقوردانىڭ باسپا ءسوز قىزمەتى.
مەملەكەت باسشىسى گ. گولوۆكيننىڭ جەڭىسى قازاقستاندىق جانكۇيەرلەر مەن الەمنىڭ بوكسسۇيەر قاۋىمى ءۇشىن تاماشا سىيلىق بولعاندىعىن اتاپ ءوتتى.
«ءادىل جەكپە-جەكتە سەن ءوزىڭنىڭ ەر مىنەزدىلىگىڭدى، رۋحىڭدى جانە كەرەمەت دايىندىعىڭدى كورسەتىپ، ءوز مىقتىلىعىڭدى تاعى ءبىر دالەلدەدىڭ، قازاقستان بەدەلىن حالىقارالىق ارەنادا كوتەردىڭ. ءبىز سەنىڭ جەڭىسىڭمەن ماقتانامىز»، - دەلىنگەن جەدەلحاتتا.
نۇرسۇلتان نازاربايەۆ سپورتشىعا دەنساۋلىق، اماندىق جانە بولاشاقتا كاسىبي سپورتتا ودان دا جارقىن جەڭىستەر تىلەدى.
اۆتور: جاسۇلان جولدىبايەۆ
