جەتى ساعاتتان ارتىق ۇيقى ەستە ساقتاۋ قابىلەتىنىڭ ناشارلاۋىنا الىپ كەلەدى - زەرتتەۋ

استانا. قازاقپارات - امەريكالىق عالىمدار ءتىپتى 8 ساعات ۇيقىنىڭ ءوزى ۋاقىت وتە كەلە ەستە ساقتاۋ قابىلەتىنىڭ ناشارلاۋىنا الىپ كەلەدى دەگەن قورىتىندى جاساپ وتىر.

ولاردىڭ ايتۋىنشا، ادام 7 ساعاتتان ارتىق ۇيىقتاماعان ءجون.

«تاۋلىگىنە 7 ساعاتتان ۇيىقتايتىن ادامداردا اراسىندا اۋرۋ-سىرقاۋ بەلگىلەرى جانە ءولىم-ءجىتىم سيرەك كەزدەسەدى»، - دەيدى پروفەسسور شون يانگستەدت.

سان-ديەگوداعى كاليفورنيا ۋنيۆەرسيتەتىنىڭ پروفەسسورى دانيەل كريپكە دە ارىپتەسىنىڭ تۇجىرىمىن قولدايدى.

ول 1,1 ميلليوننان اسا ادامنىڭ قاتىسۋىمەن التى جىل كولەمىندە زەرتتەۋ جۇرگىزگەن. ناتيجەسىندە، 6,5 پەن 7,4 ساعات ۇيىقتايتىن ادامدار اراسىندا ءولىم دەڭگەيى تومەن ەكەنى انىقتالعان.

مامانداردىڭ پىكىرىنشە، ارتىق ۇيقى نەمەسە ۇيقىنىڭ دۇرىس قانباۋى مي قىزمەتىنىڭ جۇمىسىن باياۋلاتادى، زەيىنىن تومەندەتەدى، جۇمىس جاساۋعا قۇلشىنىستى باسەڭسىتىپ، ەستە ساقتاۋ قابىلەتىنىڭ بۇزىلۋىنا اكەلىپ سوعادى، دەپ جازادى شەتەلدىك ب ا ق.