استانادا «قازاقستان داۋىسى» جوباسىنا ىرىكتەۋ وتەدى
جوباعا 18 بەن 50 جاس ارالىعىنداعى ورىنداۋشىلار قاتىسا الادى. تىلەك بىلدىرۋشىلەر وزىمەن جەكە كۋالىگىن الا كەلۋى ءتيىس. مەدەۋ ارىنبايەۆ، نۇرلان البان، ءمادينا ءسادۋاقاسوۆا، الماس كىشكەنبايەۆ سىندى تانىمال جۇلدىزدارى ءتورت كوماندا قۇرايتىن بولادى. فينالعا دەيىنگى ءاربىر كەزەڭدە ۇمىتكەرلەر كاسىبي كوماندا تالىمگەرىنەن ساباق الادى. اقتىق سىنعا ءتورت قاتىسۋشى عانا وتەدى. ال جەڭىمپازداردى حالىق SMS- داۋىس بەرۋ ارقىلى انىقتايتىن بولادى.
ەسكە سالايىق، اتالعان جوبانىڭ ءبىرىنشى ماۋسىمى وتكەن جىلى وتكىزىلدى. «قازاقستان داۋىسى» 3 كەزەڭنەن تۇرادى. ءبىرىنشى كەزەڭ - بارلىق قاتىسۋشىلاردى تىڭداۋ ارقىلى قازىلاردىڭ القاسى ءوز توبىن قۇرادى. ەكىنشى كەزەڭدە ءار ءتۇرلى توپتاردىڭ مۇشەلەرىنەن قۇرالعان جۇپتىق سايىس وتكىزىلەدى. ال سوڭعى كەزەڭدە جەڭىمپازداردى حالىق داۋىس بەرۋ ارقىلى انىقتايدى. بايقاۋ جەڭىمپازى الەمگە ايگىلى «Universal» دىبىس جازۋ ستۋدياسىمەن كەلىسىمشارتقا وتىرۋ مۇمكىندىگىنە جانە 5 ميلليون تەڭگە قارجىلاي سىياقىعا يە بولادى.
