01:37, 27 - شىلدە 2014 | GMT +5
پەرۋ بيلىگى بارلاۋ قىزمەتى بۇرىنعى باسشىسىنىڭ باعالى بۇيىمدارىن ساتۋعا قويماق
استانا. قازاقپارات - پەرۋ ۇكىمەتى بۇرىنعى بارلاۋ قىزمەتىنىڭ باسشىسى ۆلاديميرو مونتەسينوستان تاركىلەنگەن التىن ساعات پەن باسقا دا باعالى بۇيىمداردى اۋكتسيونعا ساتۋعا قويادى، دەپ حابارلادى BBC.
سىبايلاس جەمقورلىق جاساعانى جانە ادام قۇقىقتارىن بۇزعانى ءۇشىن ايىپتالىپ، ۇزاق مەرزىمگە سوتتالعان مونتەسينوس قازىر تۇرمەدە جازاسىن وتەۋدە.
پەرۋاندىق بيلىك ساتىلىمعا تۇسكەن 152 زەرگەرلىك بۇيىمداردان ەڭ كەم دەگەندە 1 ميلليون دوللار قارجى تۇسەدى دەگەن بولجام جاساپ وتىر.
69 جاسقا تولعان مونتەسينوس 2000 - جىلى پەرۋدە پرەزيدەنت البەرتو فۋحيموريدىڭ وتستاۆكاعا كەتۋىمەن اياقتالعان، سىبايلاس جەمقورلىققا بايلانىستى تۋىنداعان جانجالدان كەيىن قاشىپ كەتكەن. الايدا ءبىر جىلدان كەيىن ول تۇتقىنعا الىندى.
باسساۋدا 18 جانە 19- تامىزدا پەرۋدىڭ استاناسى ليمادا ادىلەت جانە ادام قۇقىقتارى مينيسترلىگىنىڭ عيماراتىندا وتەدى.
