11:36, 26 - شىلدە 2014 | GMT +5
الەمدەگى ەڭ ۇلكەن ۇشاتىن جاندىك تابىلدى
استانا. قازاقپارات - قىتايدىڭ سىچۋان پروۆينتسياسىندا ەنتومولوگتار الەمدەگى ەڭ ۇلكەن ۇشاتىن جاندىكتى ۇستاپ الدى. قاناتتارىن كەرگەندە ونىڭ ۇزىندىعى 21 سانتيمەتردەن ءسال اسادى ەكەن. ەكسپەرتتەر ونىڭ كوريداليدتەر تۇقىمىنا جاتاتىندىعىن انىقتادى، دەپ جازادى Lenta.ru.
ەنتومولوگتاردىڭ ولجاسى بۇعان دەيىن عىلىمعا بەلگىلى بولعان ۇشاتىن جاندىكتەردىڭ بارىنەن ۇلكەن بولىپ شىقتى. وسىعان دەيىن جەر بەتىندە وڭتۇستىك امەريكالىق شەگىرتكە ەڭ ۇلكەن ۇشاتىن جاندىك سانالىپ كەلگەن. ونىڭ ۇزىندىعى 19,1 سانتيمەتر بولعان. عالىمدار بۇل جولعى «رەكوردشىنى» قىتايدىڭ ۇساق جاندىكتەر مۋزەيىنە تاپسىردى.
كوريداليدتەر نەگىزىنەن قىتاي، ۆەتنام، ينديادا ءومىر سۇرەدى. ءبىراق سىچۋاندا ول بۇرىن-سوڭدى كەزدەسپەگەن.
