17:04, 25 - شىلدە 2014 | GMT +5
گولوۆكين جاتتىعۋ كەزىندە گروۋۆزدىڭ قابىرعاسىن سىندىردى
استانا. قازاقپارات - ورتا سالماقتا WBA (Super) جانە IBO چەمپيونى گەنناديي گولوۆكين جاتتىعۋلارداعى سپاررينگتىك كەزدەسۋلەردىڭ بىرىندە 26 جاستاعى بوكسشى دجوردج گروۋۆزدىڭ قابىرعاسىن سىندىردى، دەپ حابارلايدى Аllboxing.ru.
«بۇنىڭ الدىندا حابارلانعانىنداي، دەنيەل گيلمەن بولاتىن جەكپە-جەكتىڭ قارساڭىندا گەنناديي گولوۆكين ەكىنشى ورتا سالماقتا ونەر كورسەتەتىن الەم چەمپيونى تيتۋلىنىڭ بۇرىنعى ۇمىتكەرى دجوردج گروۋۆزبەن بىرگە سپاررينگكە شىعىپ وتىرعان بولاتىن. سولاردىڭ بىرىندە گروۋۆزدىڭ قابىرعاسى سىندى»، - دەلىنەدى حابارلامادا.
ايتا كەتۋ كەرەك، 20- قىركۇيەكتە گروۋۆز WBC نۇسقاسى بويىنشا جەكپە-جەككە شىعۋ كەرەك. بۇل جاراقات الداعى جوسپارلانعان كەزدەسۋگە قالاي اسەر ەتەتىندىگى بەلگىسىز.
27 -شىلدە كۇنى نيۋ-يوركتىڭ Madison Square Garden ارەناسىندا استانا ۋاقىتى بويىنشا ساعات 08:00 دە گەنناديي گولوۆكين مەن دەنيەل گيل اراسىندا جەكپە-جەك وتەدى. تىكەلەي ەفيردە بۇل كەزدەسۋدى KazSport پەن قازاقستان تەلەارنالارى كورسەتەدى.
اۆتور: جاسۇلان جولدىبايەۆ
