تالاپكەر نازارىنا: «جالپى مەديتسينا» ماماندىعى

استانا. قازاقپارات  -مەديتسينا - عىلىم مەن تاجىريبە ارقىلى اۋرۋ-سىرقاتتاردى ەمدەۋ، ونى الدىن الۋ، ادام دەنساۋلىعىن ساقتاۋ مەن شاما-شارقىن جوعارىلاتۋ، ءومىر ءسۇرۋ ۇزاقتىعىن ارتتىرۋ سەكىلدى ىقپالدار نەگىزىندە جاسالاتىن دارىگەرلىك كومەك.

2006 - جىلدىڭ 24- ساۋىرىندە قازاقستان رەسپۋبليكاسىندا ۇكىمەت قاۋلىسىمەن مەديتسينالىق جانە فارماتسيەۆتيكالىق ءبىلىم بەرۋدى قايتا قۇرۋ كونسەپسياسى قابىلداندى. كونسەپسيادا مەديتسينا سالاسىنداعى جوعارى ءبىلىمدى مامانداردى دايىنداۋ بازالىق مەديتسينالىق بىلىكتىلىگىن ۇيرەتۋ جولدارىنىڭ تولىق نۇسقاسى قاراستىرىلعان. «جالپى مەديتسينا» ماماندىعى بويىنشا دارىگەر وقۋىنىڭ (5+2) سوڭعى 2 جىلى ينتەرناتۋرا بولىپ سانالادى. ينتەرناتۋرانى ءتامامداپ بولعاننان كەيىن، كلينيكالىق ماماندىق بويىنشا مەملەكەتتىك اتتەستاتسيانى ءساتتى تاپسىرىپ شىققان جاعدايدا، سوعان سايكەس قۇجات بەرىلەدى. «جالپى مەديتسينا» ماماندىعىن العان، ءبىراق ينتەرناتۋرانى وتپەگەن تۇلەكتەر كلينيكالىق تاجىريبەگە جىبەرىلمەيدى.

«جالپى مەديتسينا» ماماندىعى بويىنشا بازالىق مەديتسينالىق ءبىلىمدى (5+2) اياقتاعان تۇلەكتەر «دارىگەر» بىلىكتىلىگىن يەمدەنەدى. وقۋ اياقتاعان تۇلەكتەرگە جالپى تاجىريبەلىك دارىگەر نەمەسە گيگيەنا-ەپيدەميولوگيا باعىتىندا دارىگەر رەتىندە دەربەس تاجىريبەلىك قىزمەت ەتۋگە رۇقسات بەرىلەدى، سونىمەن قاتار ولار رەزيدەنتۋرادا وقۋىن جالعاستىرىپ، جەكەلەگەن ماماندىق يگەرۋلەرىنە بولادى (2-4 -جىل) . رەزيدەنتۋرا ماماندىقتارى بويىنشا ءبىلىم العان ماماندار سەرتيفيكات جانە ليتسەنزيالاندىرۋعا ەمتيحان تاپسىرعاننان كەيىن عانا دەربەس تاجىريبەلىك قىزمەتكە رۇقسات الادى.

051301-«جالپى مەديتسينا» ماماندىعى بويىنشا 5 -جىلدىق وقۋدى بىتىرگەن تۇلەك كلينيكالىق ءىس- تاجىريبەسىنە قاتىسى جوق ماماندىق بويىنشا جۇمىس جاساۋعا ىنتالانسا، ول وقۋىن ماگيستراتۋرادا جالعاستىرىپ عىلىمي- پەداگوگيكالىق باعىتتى تاڭدايدى.

 

مەديتسينا ماماندىقتارى:

5В130100 «جالپى مەديتسينا» - 5 جىل + 2 جىل ينتەرناتۋرا؛

5В 130200 «ستوماتولوگيا» - 5 جىل +1 -جىل ينتەرناتۋرا؛

5В110400 «مەديكو- پروفيلاكتيكالىق ءىس» - 5 جىل؛

5В110300 «فارماتسيا» - 5 جىل؛

5В110100 «مەيىربيكە ءىسى» - 4 جىل؛

5В110200  «قوعامدىق دەنساۋلىق ساقتاۋ» - 5 جىل؛

5В074800  « فارماتسيەۆتيكالىق ءوندىرىسى تەحنولوگياسى» - 4 جىل؛

 وقىتاتىن ءبىلىم وردالارى:

ۇلتتىق ۋنيۆەرسيتەت:

س. د. اسفەندياروۆ اتىنداعى قازاق ۇلتتىق مەديتسينالىق ۋنيۆەرسيتەتى؛

 مەملەكەتتىك ج و و-لار:

قاراعاندى مەملەكەتتىك مەديتسينا ۋنيۆەرسيتەتى؛

سەمەي مەملەكەتتىك مەديتسينا ۋنيۆەرسيتەتى؛

استانا مەديتسينا ۋنيۆەرسيتەتى؛

م. وسپانوۆ اتىنداعى باتىس قازاقستان مەملەكەتتىك مەديتسينا ۋنيۆەرسيتەتى؛

ا. ياساۋي اتىنداعى حالىقارالىق قازاق-تۇرىك ۋنيۆەرسيتەتى.

massaget.kz