استانادا قازاقستان مەن قىتايدىڭ ەڭ ۇزدىك كيكبوكسشىلارى جەكپە-جەككە شىعادى
«قازاقستاندا كيكبوكسينگ - تانىمال سپورت ءتۇرى. كيكبوكسينگپەن 4 مىڭنان اسا ادام مەن 115 باپكەر اينالىسادى. قازاقستان مەن قىتاي كوماندالارىنىڭ ءوزارا كەزدەسۋى ەكى ەلدىڭ سپورت سالاسىنداعى ءوزارا تىعىز قارىم-قاتىناستاردى بەكىتە تۇسەدى»، - دەيدى ق ر سپورت جانە دەنە شىنىقتىرۋ ىستەرى اگەنتتىگى ءتوراعاسىنىڭ ورىنباسارى سارسەن قۇرانبەك.
ونىڭ ايتۋىنشا، دودا بارىسىندا جانكۇيەرلەر كەرەمەت شوۋعا كۋا بولادى. وسى سپورتتىق شارا اياسىندا ەلورداعا ارنايى شاولين مەكتەبىنىڭ شەبەرى ليۋ ليۋن كەلگەن.
بەينەتاسپاعا جازىلعان جەكپە-جەكتەر كەيىن «KazSport» پەن «حەنان ت ۆ» تەلەارنالارىندا كورسەتىلمەك.
ەل نامىسىن الەمدىك تۋرنيرلەردىڭ جۇلدەگەرلەرى ەرسايىن قاسامبايەۆ، بابىر ارتىقبايەۆ، شىڭعىسحان تىلەمىسوۆ، قاناعات نۇرعاليەۆ، ارتۋر ساۋربايەۆ، مەرگەن ءبىلالوۆ پەن اسحات جانتۇرسىنوۆ قورعايتىن بولادى.
قىتاي كومانداسى دا كىلەڭ مىقتىلاردى الىپ كەلىپ وتىر. ولاردىڭ قاتارىندا حالىقارالىق جارىستاردىڭ بىرنەشە دۇركىن جەڭىمپازدارى دا بار.
ايتا كەتەيىك، اتالمىش جولداستىق كەزدەسۋدى ق ر سپورت جانە دەنە شىنىقتىرۋ ىستەرى اگەنتتىگى مەن «استانا ەكسپو-2017» ۇلتتىق كومپانياسى» ا ق ۇيىمداستىردى.
سايىس ساعات 19:00 باستالادى، كىرۋ تەگىن.
