قازاقستان يۋنەسكو-نى مادەني سالاداعى ماڭىزدى ارىپتەس رەتىندە سانايدى - گ. ءابدحالىقوۆا
القالى كەڭەستىڭ كۇن ءتارتىبى 2022 - جىلعا دەيىنگى مادەنيەتتەر جاقىنداسۋىنىڭ حالىقارالىق ونجىلدىعى اياسىنداعى باستامالاردى جۇزەگە اسىرۋعا ارنالعان.
وتىرىستى اشقان ۆيتسە-پرەمەر قازىرگى حالىقارالىق قوعامداستىق ب ۇ ۇ ىقپالدى ينستيتۋتتارىن قاجەت ەتەتىندىگىن ايتىپ ءوتتى. الەم مادەنيەتتەر اراسىنداعى سۇحبات پەن حالىقارالىق ساياساتتىڭ بارلىق جاقتارىن قاناعاتتاندىراتىن ءباتۋالاستىققا جەتكىزۋشى كۇشتى قاجەت ەتىپ وتىر. بۇنداي ءباتۋالاستىقتىڭ ماڭىزدىلىعىن قازاقستان الدەقاشان تۇسىنگەن ەدى.
«قازاقستان تاۋەلسىزدىگىن العاننان كەيىنگى العاشقى كۇندەرىنەن باستاپ، ق ر پرەزيدەنتى نۇرسۇلتان نازاربايەۆ قازاقستاندىق قوعام ىشىندە عانا ەمەس، سونداي-اق شەتەلدىك ارىپتەستەرمەن دە ۇيلەسىمدى قارىم-قاتىناستار ورناتۋعا بەت بۇردى. ءبىزدىڭ سىرتقى ساياساتىمىز ەل ىشىندەگى ساياساتتىڭ قيسىندى جالعاسى بولىپ تابىلادى. قازاقستان پرەزيدەنتى مەن ۇكىمەتى بەيبىت ءومىر، ۇلتارالىق جانە ءدىنارالىق كەلىسىم، ەكونوميكالىق ارىپتەستىك پەن مادەني جاقىنداسۋدى ۇنەمى قولداپ وتىرادى» - دەدى ءوز سوزىندە گ. ءابدىقالىقوۆا.
مادەني- گۋمانيتارلىق سالاداعى ءوز نيەتتەرىن جۇزەگە اسىرۋ جولىنداعى ماڭىزدى ارىپتەس رەتىندە يۋنەسكو-نى قاراستىرا وتىرىپ، ۆيتسە-پرەمەر يۋنەسكو باس حاتشىلىعى مەن مۇشە-مەملەكەتتەردىڭ بارشاسىنا 2013-2022 - جىلدار ارالىعىندا مادەنيەتتەر جاقىنداسۋىنىڭ حالىقارالىق ونجىلدىعىن وتكىزۋ جونىندەگى ەلباسىمىزدىڭ باستاماسىن قولداعاندارى ءۇشىن العىسىن ءبىلدىردى.
سونىمەن قاتار، ۇكىمەت باسشىسىنىڭ ورىنباسارى ءوتىپ جاتقان فورۋمنىڭ ۇيىمداستىرىلۋى يۋنەسكو-نىڭ حالىقارالىق ارەناداعى ناتيجەلىلىگى مەن ماڭىزدىلىعىنىڭ ارتۋىنا سەپتىگىن تيگىزەدى دەگەن سەنىمىن جەتكىزدى.
بۇل ارادا 2012 - جىلى بۇل باستاما ب ۇ ۇ باس اسسامبلەياسى تاراپىنان قولداۋ تاۋىپ، وتكەن جىلدىڭ تامىزىندا استانادا ونىڭ رەسمي ۇلىقتاۋ ءراسىمى وتكىزىلگەندىگىن ايتا كەتكەن ءجون، دەپ حابارلايدى ق ر مادەنيەت مينيسترلىگىنىڭ باسپا ءسوز قىزمەتى.
