كەدەن ورگاندارىنىڭ لاۋازىمدى تۇلعالارىنا قاتىستى ءتورت قىلمىستىق ءىس قوزعالدى
بۇل تۋرالى بۇگىن بريفينگتە ق ر ق م كبك كونترابانداعا قارسى كۇرەس باسقارماسى باسشىسىنىڭ ورىنباسارى ەردەن جۇما ءمالىم ەتتى.
«كەدەندىك باقىلاۋ كوميتەتى تالداۋ جانە تەكسەرۋ ناتيجەسى بويىنشا 2013 - جىلى ق ح ر-دان الماتى وبلىسى بويىنشا ك ب د-نىڭ قىزمەت ايماعىنا حالىق تۇتىناتىن تاۋارلاردى جەتكىزگەن ءتورت كومپانيانىڭ كەدەندىك تولەمدەردى تولەۋدەن جالتارۋ فاكتىسىن انىقتادى.
تەكسەرۋ بارىسىندا كومپانيالاردا مەملەكەت بيۋجەتىنە تاۋارلاردى كەدەندىك تازارتۋ كەزىندە كەدەندىك تولەمدەردى جاساماۋ سالدارىنان قالىپتاسقان 1 ميلليارد 900 ميلليون تەڭگەدەن استام بەرەشەگى بەلگىلى بولدى. بۇگىندە ونىڭ 1 ميلليارد 400 ميلليون تەڭگەسى ءوندىرىلدى»، - دەدى ول.
بۇل فاكتىلەر بويىنشا كونترابانداعا قارسى كۇرەس باسقارماسى 4 قىلمىستىق ءىس قوزعادى.
«ك ب ك-نىڭ ىشكى قاۋىپسىزدىك باسقارماسى كەدەن ورگاندارىنىڭ لاۋازىمدى تۇلعالارىنا قاتىستى لاۋازىمدىق وكىلەتتىلىكتەرىن تەرىس پايدالانۋى فاكتىسى بويىنشا ءتورت قىلمىستىق ءىس قوزعادى» ، - دەدى ە. جۇما.
قىلمىستىق ىستەر الماتى وبلىسى بويىنشا ەكونوميكالىق قىلمىسقا جانە سىبايلاس جەمقورلىققا قارسى كۇرەس دەپارتامەنتىنە تەرگەۋگە بەرىلدى. اتالعان قىلمىستىق ىستەردى تەرگەۋ اياسىندا ۆەدومستۆوارالىق جەدەل تەرگەۋ توبىن قۇرۋ تۋرالى ماسەلە شەشىلۋدە.
اۆتور: رۋسلان عابباسوۆ
