الماتى- تالدىقورعان كۇرە جولى ءتورت جولاق ەتىلىپ كەڭەيتىلمەك - ق ر ك ك م
بۇگىنگى كۇنگە بۇل جولعا كولەمى 3,5 ميلليون تەكشە مەتر توپىراق، ال 10 شاقىرىمىنا اسفالت-بەتوننان، 29 شاقىرىمىنا سەمەنت-بەتوننان جامىلعىنىڭ تومەنگى قاباتى توسەلدى.
الماتى- تالدىقورعان اۆتوجولىنىڭ جالپى ۇزاقتىعى 245 شاقىرىم. قازىرگى ۋاقىتتا جۇمىستار جولدىڭ ءون بويىندا جۇرگىزىلۋدە. قۇرىلىسقا 9 مەردىگەر كومپانيا تارتىلعانىن اتاپ وتكەن ءجون. جىل اياعىنا دەيىن 10 شاقىرىم جولدى پايدالانۋعا بەرۋ جوسپارلانۋدا.
اۆتوجول بويىنداعى جۇمىستارىمەن ق ر كولىك جانە كوممۋنيكاتسيا ۆيتسە-ءمينيسترى مەرەكە پىشەمبايەۆ تانىسىپ ءوتتى.
ساپار بارىسىندا ول كەڭەس وتكىزدى. ۆيتسە-مينيستر مەردىگەرلىك ۇيىمدار باسشىلارىنا جۇمىس قارقىنىن ارتتىرۋ، سونىمەن بىرگە ۋچاسكەنىڭ ءون بويىندا قوزعالىس قاۋىپسىزدىگىن قامتاماسىز ەتۋ جونىندە تاپسىرما بەردى.
قايتا سالۋ جۇمىستارى اياقتالعاننان كەيىن 2016 - جىلى الماتى- تالدىقورعان جولى ءتورت جولاق ەتىلىپ كەڭەيتىلەدى دە 1- تەحنيكالىق ساناتقا جاتقىزىلاتىن بولادى.
