استانانىڭ ءار اۋدانىندا حالال ونىمدەر ساتاتىن دۇكەندەر اشىلادى

استانا. قازاقپارات - ەلوردادا حالال ونىمدەر ساتاتىن ورىندار اشۋ جانە وسى ونىمدەردىڭ نارىقتاعى اسسورتيمەنتى ماسەلەسى تالقىلاندى.

بۇل تۋرالى astana.kz سايتىنا «دۋسلىك» تاتار ءبىلىم بەرۋ ورتالىعىنان حابارلادى.

شاراعا قازاقستان حالقى اسسامبلەياسىنىڭ، ق ر يندۋستريا جانە جاڭا تەحنولوگيالار مينيسترلىگىنىڭ، ق ر اۋىل شارۋاشىلىعى مينيسترلىگىنىڭ وكىلدەرى، ق ر «حالال يندۋسترياسى قاۋىمداستىعى» ز ت ب ساراپشىلارى، ەتنومادەني بىرلەستىكتەردىڭ جانە ۇ ە ۇ باسشىلارى، ەلوردالىق كاسىپكەرلەر مەن ءدىن وكىلدەرى قاتىستى.

«استانا حالال اۋماعى» دوڭگەلەك ۇستەلىنىڭ قورىتىندىسى بويىنشا الەمدىك تاجىريبەنى زەرتتەپ، «حالال ءونىمىنىڭ ماركيروۆكاسى تۋرالى» ق ر زاڭىن ازىرلەۋ، قازاقستاندا حالال يندۋسترياسىن دامىتۋ اگەنتتىگىن قۇرۋ ۇسىنىلدى. سونىمەن قاتار، حالال ونىمدەردى تۇتىنۋدىڭ ماڭىزدىلىعى مەن ماقساتتىلىعى تۋرالى حالىق اراسىندا ءتۇسىندىرۋ جۇمىستارىن جۇرگىزۋ، ال قالالىق كاسىپكەرلەرمەن حالال ونىمدەردى ءوندىرۋ ماسەلەسىن تالقىلاۋ جوسپارلانعان. كەزدەسۋ اياسىندا استانانىڭ ءار اۋدانىندا باسقا تاۋارلارعا قويلاتىن تالاپتاردى ساقتاي وتىرىپ، حالال ونىمدەرىن ساۋدالايتىن جەكە ورىنداردى اشۋ قاجەتتىلىگى ايتىلدى.

شاراعا قاتىسۋشىلاردىڭ پىكىرىنشە، بۇل تاقىرىپ ەكسپو-2017 حالىقارالىق كورمەسىن وتكىزۋ قارساڭىندا اسا وزەكتى. كورمەگە دايىندىق جۇرگىزۋ كەزىندە وعان كوپ كوڭىل ءبولۋ كەرەك. ويتكەنى شارا اياسىندا استاناعا بارشا الەمنەن ادامدار كوپتەپ كەلەتىن بولادى.