08:51, 21 - شىلدە 2014 | GMT +5
قازاقستان ءاربىرىمىزدىڭ ومىرىمىزدە وشپەس ءىز قالدىردى - يتاليالىق دجاكومو پەتريلە
استانا. قازاقپارات - ەلوردادا اياقتالعان 45- حالىقارالىق فيزيكا وليمپياداسى (IРho) الەمدىك عىلىم تاريحىندا ەرەكشە وقيعالاردىڭ ءبىرى رەتىندە جازىلادى، دەپ سانايدى يتاليالىق قاتىسۋشى دجاكومو پەتريلە.
«مەن قازاقستان دەگەن ەلمەن تانىسقانىما قۋانىشتىمىن. استانا ءوزىنىڭ كوركىمەن ءبىزدى باۋراپ الدى. شىنىمدى ايتايىن، مەنى تاڭداندىرماي قويمادى. ارحيتەكتۋراسى، كەڭدىگى، تازالىعى - استانانىڭ ەرەكشە رۋحى! ادامدارى مەيىربان. بۋرابايدىڭ دا تابيعاتى ءتانتى قىلدى. بىزدەردىڭ ءارقايسىمىزدىڭ تاعدىرىمىز ءارتۇرلى، ءبىراق قازاقستان ودان ويىپ ورىن الادى. راحمەت، استانا! راحمەت، قازاقستان! ءبىز سەنى ساعىناتىن بولامىز»، - دەدى يتالياندىق وقۋشى.
ونىڭ ايتۋىنشا، ول وليمپيادا ۋاقىتىندا ءارتۇرلى ەلدەردەن كوپتەگەن دوس تاپقان. «ءبىز كوپ ارالاسامىز. تەز تابىسىپ كەتتىك. ءبارىمىز ءبىلىم سايىسىنا كەلسەك تە، بۇل ءبىر-ءبىرىمىزدى تانۋعا، ەلىمىزدى، مادەنيەتىمىزدى، تاريحىمىزدى تانۋعا ەش كەدەرگى كەلتىرمەيدى»، - دەيدى د. پەتريلە.
