مەسسي يسپانيا تاريحىنداعى رەكوردتىق سالىق تولەيدى

استانا. قازاقپارات - كاتالوندىق «بارسەلونا» كلۋبىنىڭ شابۋىلشىسى ليونەل مەسسي يسپانيا قازىناسىنا 53 ميلليون ەۋرو سوماسىندا سالىق تولەيتىن بولدى، دەپ حابارلادى شەتەلدىك  ب ا ق.

 ول كۇنتىزبەلىك جىل ىشىندە ەلدىڭ قازىناسىنا وسىنشاما كولەمدە قارجى قۇياتىن يسپانياداعى العاشقى سالىق تولەۋشى بولماق.

اتالعان سوماعا ويىنشىنىڭ جالاقىسىنان، مۇلكى مەن جارنامالىق كەلىسىمشارتتارىنان الىناتىن سالىقتار كىرەدى. بۇعان قوسا، 2010-2012 - جىلدارى ارالىعىندا 22,4 ميلليون ەۋرو كولەمىندەگى سالىقتى تولەمەگەن مەسسي وسى جىلى بۇل قارجىنى دا قالتاسىنان شىعارۋعا ءماجبۇر.

 ايتا كەتەرلىگى بۇل قارجى، ىلگەرىدە اتالعان 53 ميلليون ەۋرونىڭ ىشىنە كىرەدى. ال بۇل سومانىڭ ءوزى تاعى دا 3 ميلليون ەۋروعا ارتۋى مۇمكىن.  ويتكەنى 2007-2009 - جىلدارى ارالىعىندا مەسسي جارناما جانە دەمەۋشىلىك كەلىسىمشارتتاردان تاپقان تابىسىن دەكلاراتسيالاماعان كورىنەدى.

اۆتور: مارلان جيەمباي