قازاقستاندىق اسكەرلەر حالقارالىق مەرگەندەر جارىسىندا ءبىرىنشى ورىن الدى - فوتو
بۇل تۋرالى ق ر قورعانىس مينيسترلىگىنىڭ باسپاءسوز قىزمەتىنەن حابارلادى.
«سايىستا رەسەي، ۇلى بريتانيا، يوردانيا، قىتاي، پاكىستان جانە ا ق ش قارۋلى كۇشتەرىنىڭ اسكەري قىزمەتشىلەرى باق سىناستى.
«التىن ۇكى» قازاقستاندا وسىمەن بەسىنشى رەت قاتارىنان وتكىزىلىپ كەلەدى. وعان قاتىسۋشىلاردىڭ بارلىعى وزدەرىنىڭ ەرىك-جىگەرلەرىن كورسەتە ءبىلدى، ۇزدىك ناتيجەلەرگە قول جەتكىزۋ ءۇشىن بارىن سالدى»، - دەپ اتاپ ءوتتى قورعانىس ءمينيسترىنىڭ ءبىرىنشى ورىنباسارى - ق ر ق ك باس شتابىنىڭ باستىعى گەنەرال-پولكوۆنيك ساكەن جاسۇزاقوۆ.
قاتىسۋشىلار بەس كۇندىك قىزۋ جارىستا دايارلىقتىڭ ارنايى تۇرلەرى بويىنشا نورماتيۆتەر تاپسىردى جانە جاۋىنگەرلىك تاپسىرمالاردى ورىنداۋ جولىندا جاقسى دايارلىقتارىن كورسەتە ءبىلدى. مەرگەندەر ءتۇرلى كەدەرگىلەرمەن قوسا، سنايپەرلىك قارۋمەن كۇردەلى جاعدايلاردا اتۋ سياقتى سىندارعا ءتۇستى.
«وسى سايىستا سىزدەرگە بويداعى كۇش-قۋاتتى، پسيحولوگيالىق جانە دەنە دايىندىعىن كورسەتۋگە جاقسى مۇمكىندىك بەرىلدى. ەڭ باستىسى بۇل - باعا جەتپەس تاجىريبە»، - دەدى مەرگەندەرگە ارناعان سوزىندە ق ر ق ك باس شتابىنىڭ باستىعى.
ناتيجەسىندە قازاقستاندىق ارنايى ماقساتتاعى اسكەريلەر ءبىرىنشى ورىنعا يە بولدى. ІІ ورىن قىتاي حالىق رەسپۋبليكاسىنىڭ قاتىسۋشىلارىنا بەرىلسە، ІІІ ورىنعا ۇلى بريتانيا وكىلدەرى قول جەتكىزدى.
