مالايزيا پرەمەرى: مالايزيا جولاۋشىلار لاينەرىنىڭ قۇلاۋ سەبەپتەرىن انىقتاۋ ءۇشىن ۋكرايناعا ماماندار جىبەرىلدى
سونداي-اق ول ۋكراينا باسشىلىعىنان Boeing 777 قۇلاعان جەرىنە بارۋعا تولىق مۇمكىندىك بەرەتىن گۋمانيتارلىق ءدالىز قۇرىلاتىنى تۋرالى حابار العانىن اتاپ ءوتتى. رازاك ايتىپ وتكەندەي، اپاتتىڭ ورىن الۋ سەبەبىن انىقتاۋ بويىنشا حالىقارالىق توپ قۇرۋ ماسەلەسى تەلەفون ارقىلى ا ق ش پرەزيدەنتى باراك وبامامەن تالقىلاندى. باراك وباما بۇل ماسەلە بويىنشا جان-جاقتى قولداۋ كورسەتۋگە ءازىر ەكەنىن جەتكىزگەن. مالايزيالىق پرەمەر حالىقارالىق ساراپشىلار اپات بولعان اۋداندى زەرتتەۋ ءۇشىن بار مۇمكىندىكتەرى بولۋى كەرەكتىگىن اتاپ ءوتتى.
ەسكە سالا كەتەيىك، امستەردام - كۋالا- لۋمپۋر باعىتىندا ۇشقان «مالايزيالىق اۋە جەلىسى» Boeing 777 بەيسەنبى كۇنى ۋكراينا اۋماعىنداعى دونەتسك وبلىسىنىڭ گرابوۆو ەلدى مەكەنىندە اپاتقا ۇشىراعان. الدىن الا بولجام بويىنشا بورتتا بولعان 283 جولاۋشى، سونىڭ ىشىندە 3 ءسابي جانە 15 ەكيپاج مۇشەسى قازا تاپتى.
