قازاقتىڭ سالت - داستۇرلەرىن يۋنەسكو- نىڭ مادەني مۇرا تىزىمىنە كىرگىزۋ ويدا بار - مينيستر
بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە اتالعان ۆەدومستۆونىڭ باسشىسى ارىستانبەك مۇحامەدي ۇلى ءمالىم ەتتى.
«قازىرگى تاڭدا ءبىز ايتىستى، قازاق ءۇيدىڭ جاسالۋ ەرەكشەلىكتەرىن، بۇركىتپەن اڭ اۋلاۋ سىندى كوپتەگەن ءداستۇرلى شارالاردى يۋنەسكو- نىڭ تىزىمىنە كىرگىزۋدەمىز. بۇل ۇيىمنىڭ اتاۋلى كۇندەر اتتى كۇنتىزبەسى بار. ءبىز سوعان سەمەي انتي يادرولىق قوزعالىسىنىڭ، ارالدى قۇتقارۋ قورىنىڭ قۇرىلعان كۇنىن كىرگىزبەكپىز. جالپى، ىستەلىپ جاتقان شارالار كوپ. ءبىزدىڭ ماقساتىمىز يۋنەسكو جيىنىنىڭ ەلىمىزدە ءوتىپ جاتقانىن پايدالانىپ، قازاقستاننىڭ ەرەكشە ساقتالاتىن سالت- داستۇرلەرىن وسى ۇيىم تىزىمىنە كىرگىزۋ ويىمىزدا بار» ، - دەدى مينيستر.
ايتا كەتەيىك، 22-24 - شىلدە كۇندەرى ەلوردادا يۋنەسكو ىستەرى جونىندەگى ۇلتتىق كوميسسيالاردىڭ ءبىرىنشى ءوڭىرارالىق كەڭەسى وتەدى. بۇل جيىن الەمدىك اۋقىمدا العاش رەت ۇيىمداستىرعالى وتىر. كەڭەس جۇمىسىنا يۋنەسكو- عا مۇشە 130دان استام مەملەكەتتىڭ ۇلتتىق كوميسسيالارىنىڭ وكىلدەرى جانە الەكسو، وازحي، تۇركسوي سىندى سەرىكتەس حالىقارالىق ۇيىمداردىڭ باسشىلارى قاتىسادى. يۋنەسكو حاتشىلىعى دەلەگاتسياسىن ۇيىم باس ديرەكتورىنىڭ سىرتقى بايلانىستار جانە قوعامدىق اقپارات جونىندەگى ورىنباسارى ە. فالت باسقارادى.
اۆتور: مارلان جيەمباي
