قىتايلىق ءىرى كاسىپورىن ا ق ش پرەزيدەنتى اكىمشىلىگىنە قارسى سوتتا جەڭىپ شىقتى
سوت باراك وباماعا جانە ا ق ش- تىڭ شەتەل ينۆەستيتسيالارى كوميتەتىنە (CFIUS) قاتىستى كومپانيا تالاپ ارىزىن وڭ شەشتى، دەپ حابارلادى «شينحۋا» اقپاراتتىق اگەنتتىگى.
2012 - جىلى قىركۇيەكتە «Ralls» كومپانياسى ورەگون شاتاتىنداعى ا ق ش اسكەري- تەڭىز بازاسىنا جاقىن جەل گەنەراتورىنىڭ 4 ەلەكتر ستانساسىن ساتىپ الماق بولعان. ا ق ش پرەزيدەنت اكىمشىلىگى مەن شەتەل ينۆەستيتسيا كوميتەتى ۇلتتىق قاۋىپسىزدىك مۇددەلەرىنە بايلانىستى نىسانداردى ساتۋعا تىيىم سالعان. بۇعان قىتايلىق كومپانيا نارازى بولىپ، سوتقا شاعىمدانعان.
سوت امەريكالىق تاراپ قىتاي كورپوراسياسىنىڭ قۇقىقتارى مەن مۇددەلەرىنە قىسىم جاسادى جانە قىتايلىق تاراپقا تالاپ ەتىلگەن رۇقساتتى بەرۋى ءتيىس دەپ شەشكەن.
قاۋلى ماتىنىندە قىتاي فيرماسىنىڭ قىزمەتىنە قاتىستى وبامانىڭ تىيىمى نورماتيۆتىك بازاعا قايشى كەلەدى جانە پرەزيدەنتتىك اكىمشىلىك بولجام جاساماي، ءوز ءىس- ارەكەتتەرىندە زاڭعا سۇيەنۋى ءتيىس دەلىنگەن.
