حالىقارالىق قىلمىستىق پوليسيا ۇشاق اپاتى قۇرباندارىن تانۋ ءۇشىن ۋكرايناعا داعدارىستىق توپتى اتتاندىرادى
18 - شىلدەدە ۇيىمنان حابارلاعانداي، ماماندار تاياۋداعى 48 ساعاتتىڭ ىشىندە وقيعا ورنىنا كەلىپ جەتەدى، دەپ حابارلادى يتار- تاس.
«ۋكراين بيلىگىنىڭ وتىنىشىنە وراي ينتەرپول قايعىلى وقيعا ورنىندا شۇعىل ارەكەت ەتۋ توبىنىڭ جۇمىسىن ورىستەتىپ، «مالايزيا اياجەلىلەرىنىڭ» МН17 رەيسىنىڭ قۇرباندارىن تانۋعا كومەكتەسپەك» ، - دەلىنگەن ۇيىمنىڭ كومميۋنيكەسىندە. ينتەرپولدان ناقتىلاعانداي، ۋكرايناعا اتتاناتىن داعدارىستىق توپ قۇرامىندا ولگەن ادامداردى تانۋ سالاسىنداعى وزىق تەحنولوگيانى بىلەتىن ساراپشىلار كەلەدى.
«بۇل قايعىلى وقيعانىڭ قۇرباندارى جەر شارىنىڭ ءار بولىگىنەن بولۋى ەسكەرىلىپ، حالىقارالىق ىنتىماقتاستىق ماڭىزدى فاكتورعا اينالدى، ءبىز دەنەلەردىڭ كىمدىكى ەكەنىن ءدال تانۋدى قامتاماسىز ەتىپ، ولاردى تۋىستارىنا تاپسىرۋ ءۇشىن جۇمىس ىستەيتىن بولامىز» ، - دەدى ينتەرپولدىڭ باس حاتشىسى رونالد نوۋبل.
