08:16, 17 - شىلدە 2014 | GMT +5
ءمينيستردى مايمىلعا تەڭەگەن ايەل تەمىر توردان ءبىر-اق شىقتى
استانا. قازاقپارات - فرانسيادا «ۇلتتىق مايدان» پارتياسىنىڭ بۇرىنعى كانديداتى، انن-سوفي لەكلەر ەسىمدى ايەل فرانسيا ادىلەت ءمينيسترى، قارا ءناسىلدى كريستيان توبيرانى مايمىلعا تەڭەگەنى ءۇشىن 9 ايعا باس بوستاندىعىنان ايىرىلىپ وتىر، دەپ جازادى شەتەلدىك ب ا ق.
سونىمەن قاتار، لەكلەر 50 مىڭ ەۋرو كولەمىندە ايىپپۇل تولەپ، 5 جىل كولەمىندە سايلاۋعا قاتىسۋ قۇقىعىنان ايىرىلدى.
لەكلەردىڭ ايتۋىنشا، ول مۇنداي قاتال شەشىمدى كۇتپەگەن كورىنەدى، ەندى سوتقا شاعىمدانباق. ال راسيزممەن كۇرەس اسسوتسياتسياسىنىڭ وكىلدەرى سوتتىڭ بۇل شەشىمىنە قاناعاتتاندى.
2013 - جىلى لەكلەر تىكەلەي ەفيردە وتكەن سۇحباتتاردىڭ بىرىندە توبيرانى مايمىلعا تەڭەگەن ەدى. كەيىن الەۋمەتتىك جەلىلەردە بۇل تالقىلانا باستايدى. ال لەكلەردىڭ كانديداتۋراسى سايلاۋدان الىنىپ تاستالادى. بۇل وقيعا فرانسيادا كەڭ اۋقىمدى قوعامدىق تولقىنىس تۋدىردى.
