شۇعىل: ق ر س ءى م ۋكراينادا اپاتقا ۇشىراعان ۇشاقتا قازاقستاندىقتاردىڭ بار- جوعىن انىقتاۋدا
«ۋكراينانىڭ شىعىسىندا مالايزيا اۆياجەلىلەرى ۇشاعىنىڭ اپاتقا ۇشىراۋى سالدارىنان قازا بولعانداردىڭ وتباسىلارى مەن جاقىندارىنا قاتتى قايعىرىپ كوڭىل ايتامىز» ، - دەلىنگەن ق ر س ءى م Twitter- دەگى رەسمي پاراعىندا.
«بولعان وقيعاعا تەرەڭ الاڭداۋىلىق بىلدىرەمىز. وقيعانىڭ بارلىق ءمان- جايى انىقتالىپ، مۇقيات تەكسەرىلۋى ءتيىس دەپ سانايمىز» ، - دەپ اتاپ وتىلگەن مالىمدەمەدە.
«ءبىز ق ر ازاماتتارىنىڭ ۇشاق بورتىندا بولعاندىعىن نەمەسە بولماعاندىعىن انىقتاۋمەن اينالىسۋدامىز جانە بۇل اقپاراتتى العان بويدا شۇعىل ۇسىنامىز» ، - دەلىنگەن وندا.
ق ر س ءى م تاعى دا ۋكراينانىڭ شىعىسىنداعى تەكەتىرەسكە تارتىلعان بارلىق تاراپتاردى ۇرىستى تەزىرەك توقتاتۋعا جانە قايشىلىقتاردى بەيبىت جولمەن شەشۋدىڭ جولىن تابۋعا شاقىردى.
حابارلانعانداي، ۋكراينا اۋماعىندا رەسەي شەكاراسىنا تاياۋ جەردە مالايزيالىق اۆياجەلىلەردىڭ Boeing 777 ۇشاعى اپاتقا ۇشىرادى. اۋە كەمەسىنىڭ بورتىندا 280 جولاۋشى بولعان. ولاردىڭ ءبارى دە قازاعا ۇشىرادى. سونداي- اق ەكيپاجدىڭ 15 مۇشەسىنىڭ دە مەرت بولعانى حابارلاندى.
امستەردام- كۋالا- لۋمپۋر رەيسىن اتقارعان ۇشاق رف اۋە كەڭىستىگىنە كىرۋگە 50 شاقىرىم قالعاندا تومەندەي باستاعان، ودان كەيىن ونىڭ ۋكراينا اۋماعىنداعى جەردە ورتەنىپ جاتقانى انىقتالعان.
