الماتى تۇرعىندارى شوشقا فەرماسىن جابۋدى تالاپ ەتىپ ايقايعا باستى

استانا. قازاقپارات - الماتى ىرگەسىندەگى بايسەركە اۋىلىنىڭ تۇرعىندارى تالاي جىلدان بەرى ىرگەلەرىندەگى شوشقا فەرماسىن جاپتىرا الماي ءجۇر.

تالپاق تاناۋعا تولى قورادان قولقانى قاباتىن ءيىستىڭ تاراپ جاتقانى ءوز الدىنا، سوڭعى ۋاقىتتا فەرما قىزمەتكەرلەرى شوشقالاردى سويىپ، ىشىك قارىنى مەن باستارىن وزەنگە تاستاي باستاعان. جەرگىلىكتى اكىمدەردەن قايىر بولماي، اشىنعان جۇرت بۇگىن اقىرى ايقايعا باستى.

بايسەركەنىڭ تۇرعىندارىن تۇنشىقتىرعان شوشقا بازاسى وسى. اينالاسىنداعى جۇرتتىڭ قۇتىن قاشىرىپ، يىسىنە 10  جىلدان بەرى تويدىرىپ كەلەدى. تۇرعىندار «قوجالىقتىڭ قىزمەتكەرلەرى قاراپايىم سانيتارلىق نورمالاردى دا ساقتامايدى» - دەپ وتىر. شوشقالاردى سويىپ، ىشەك-قارىنى مەن باستارىن ارنايى جەرگە اپارماي، وزەنگە لاقتىراتىن كورىنەدى. ونداعى ولەكسەلەرگە قاپتاعان قۇرت-قۇمىرسقا، قارعا مەن قۇزعىنداردا سان جوق.

مارات حالىقوۆ، بايسەركە اۋىلىنىڭ تۇرعىنى:

- مىنا يىستەن دەمالۋ مۇمكىن ەمەس. جايباراقات وتىرىپ تاماق ىشە المايمىز. ەسىك تەرەزەنى ول اشا المايمىز. ەسىك الدىندا جۇرگەن ىلعي ەگەۋقۇيرىق. مىنا قۇرتتاعان شوشقانىڭ باستارىن ۇيگە اكەلىپ مۇجيدى. نەدەن سۇمدىق! كىشكەنتاي بالا بار. قارت كىسىلەر بار ورازا ۇستاعان.

فەرمادان شىققان يىسكە ۇلكەندەر جاعى ارەڭ شىداس بەرسە، بالعىندار جاپپاي اۋىرىپ جاتىر. ۇستىلەرىنە قىزىل بورتكەندەر شىعىپ، ىستىعى كوتەرىلەدى، لوقسىپ، قۇسادى ەكەن. ءبىر جاسار بەيبارىس تا وسى شوشقادان شىققان ساسىق يىستەن زارداپ شەگىپ وتىر.

- وسى جارالارى كەتپەيدى قانشا بولدى. ءبىر جەرىنەن كەتەدى. ەكىنشى جەرىنە شىعىپ الادى.

دارىگەرلەر دە، بالعىنداردىڭ جاپپاي اۋرۋعا شالدىعۋىن وسى شوشقا بازاسىمەن بايلانىستىرىپ وتىر. دەسە دە، ناقتى سول فەرمانىڭ كەسىرىنەن دەپ ايتۋدان اۋلاق.

دامەنجان جولدىبالينا، بايسەركە اۋىلدىق اۋرۋحاناسىنىڭ دارىگەرى:

- جاعىمىز ءيىسى بار بالالارعا اسەر ەتىپ جاتىر. ۇستەرىنە بورتكەندەر شىعادى. سوسىن ەنتىگىپ قالادى. سوسىن تاعىدا قالدىقتار شىعارىپ جاتىر دەدىك قوي. سونىڭ كەسىرىنەن ءىش قۇرلىستارىنا زيان كەلۋى مۇمكىن. شىنىن ايتۋ كەرەك سودان قورقامىز.

شارۋا قوجالىعىندا شوشقادان بولەك ءتورت تۇلىكتىڭ ءبارى بار. الايدا، ءتۇسىرىلىم توبىنىڭ كەلەتىنىن الدىن الا ءبىلىپ العان قىزمەتكەرلەرى شوشقالاردى قوراسىنان شىعارعان جوق. اينالاسىن دا، ءبىراز جيناستىرىپ قويىپتى. ال، يەسى بولسا، استانادا ءجۇر ەكەن. ەسەسىنە، جۇرتتى ساعاتتاپ كۇتتىرىپ، ارەڭ دەگەندە كەلگەن اۋىل اكىمى ادەتتەگى ۋادەسىن ءۇيىپ-توكتى.

- قالدىقتارىن ارنايى جەرگە اپارۋ كەرەك دۇرىس قوي. سانيتارلىق نورمالار بار ەگەر ولار سول نورمانى ساقتاماسا، ول كەزدە س ە س-تەن كەلىپ ايىپپۇل سالادى. قاراپ شىعىپ بارلىعىن كورۋ كەرەك.

- وسىلايشا اۋىلدىڭ اكىمى تۇرعىندارعا تۇشىمدى جاۋاپ بەرە المادى. دەسە دە شوشقانىڭ يىسىنە تۇنشىققان جۇرت «ناتيجە بولاما» - دەگەن ۇمىتپەن ارىز جازىپ، اكىمنىڭ قولىنا وتكىزدى. ال، ءبىز استانادا ءجۇرمىز دەپ قاشقاقتاعان شارۋا قوجالىعىنىڭ باسشىسىمەن تەلەفون ارقىلى تىلدەستىك. ول ءبىر ايدىڭ كولەمىندە شوشقانى قۇرتىپ، تەك ءتورت تۇلىكتى عانا قالدىرۋعا ۋادە بەردى.

KTK