قىتايدىڭ ءبىلىم مينيسترلىگى ج و و وقىتۋشىلارىنا سىيلىق الۋعا تىيىم سالدى

 استانا. قازاقپارات - قىتايدىڭ ءبىلىم مينيسترلىگى سىبايلاس جەمقورلىقپەن كۇرەس شارالارىنىڭ ءبىرى رەتىندە وقىتۋشىلارعا قاتىستى ءبىرقاتار شەكتەۋلەر ەنگىزدى.

 ق ح ر  ءبىلىم مينيسترلىگىنىڭ سايتىندا حابارلانعانداي، ەندى جوعارعى وقۋ ورنىنىڭ وقىتۋشىلارىنا ستۋدەنتتەردەن اقشالاي تۇردەگى سىيلىقتاردى، قۇندى قاعازدار مەن تولەم قۇجاتتارىن الۋعا تىيىم سالىنادى.

 سونداي- اق ولار ستۋدەنتتەر مەن ولاردىڭ اتا- انالارى ۇيىمداستىرعان بانكەتتەرگە (توي، سالتاناتتى شارالار) قاتىسا المايدى، سەبەبى بۇل ءبىلىم الۋشىنىڭ ەمتيحانداعى باعاسىنا ءوز ىقپالىن تيگىزۋى مۇمكىن.

 سونىمەن قاتار وقىتۋشىلار قۇرامىنا اقىسى ستۋدەنتتەردىڭ قالتاسىنان تولەنگەن ساياحاتتارعا، كوڭىل كوتەرۋ شارالارىنا بارۋعا شەكتەۋ قويىلدى. ءارى، ءبىلىم نارىمەن سۋسىنداتۋشىلار جاستارعا كىتاپتار، كۇندەلىكتى تۇرمىسقا قاجەتتى بۇيىمدار مەن ساقتاندىرۋ پوليستەرىن دە ساتا المايدى.

بۇل تالاپتارى بۇزعان وقىتۋشى بىردەن جۇمىستان شىعارىلادى نە بولماسا، ءتىپتى، سوتقا بەرىلۋى مۇمكىن، دەپ جازادى روس بالت.