يامالدا الىپ جەر تەسىگى تابىلدى - كەسكىن

استانا. قازاقپارات - يامالدا تاڭعاجايىپ جەر تەسىگى تابىلدى. يامالدا گاز جانە مۇناي كەن ورىندارىنا قىزمەت كورسەتەتىن ۇشقىشتار تىكۇشاقتان تابيعاتتىڭ توسىن بەينەسىن ۆيدەوعا ءتۇسىرىپ الىپتى.

  ولار « ءتۇپسىز الىپ شۇڭقىردىڭ ۇلكەندىگى سونشا، وعان ءبىر ۋاقىتتا بىرنەشە م ي-8 تىكۇشاعىمەن قونۋعا بولادى» دەپ وتىر.

بۇل شۇڭقىر قالاي، قايدان پايدا بولعانى جايلى دەرەك جوق. ءبىراق جورامال جاساۋشىلار اڭگىمەنى سان- ساققا جۇگىرتىپ وتىر: اتوم بومباسى جارىلعان سوڭ پايدا بولعان، مەتەوريد قۇلاعان نەمەسە جات پلانەتالىقتار شابۋىل جاساعان، دەپ جازادى rosbalt.ru.

بۇل ۆيدەونىڭ اۆتورى ادامدار شۇڭقىردىڭ جان- جاعىنداعى جاسىل جەلەكتى ءبىر كورگەندە دالانىڭ ءشوبى دەپ قالۋلارى مۇمكىندىگىن، ءبىراق ول ءشوپ ەمەس، ورمان ەكەندىگىن ايتادى. وسىدان- اق تەگىس جەردە پايدا بولعان بۇل ءتۇپسىز شۇڭقىردىڭ قانشالىقتى ۇلكەن ەكەنىن بولجاي بەرسە بولادى.

كۋاگەرلەردىڭ ايتۋىنشا، شۇڭقىردىڭ تۇبىندە الدەنە سارقىراپ اعىپ جاتقان كورىنەدى جانە ولار ونىڭ شۋىلىنان قۇلاق تۇناتىنىن جەتكىزەدى.