قايتىس بولعان ءسابي جەرلەۋ راسىمىندە ءتىرىلىپ كەتتى
بۇل تۋرالى شەتەلدىك ب ا ق حابارلادى.
دارىگەرلەردىڭ ايتۋىنشا، ءسابي سەنبى كۇنى قايتىس بولعان. وعان دەيىن ول بەزگەك اۋرۋىمەن اۋىرىپتى.
قايعىلى وقيعا بولعان كۇننىڭ ەرتەسىنە قىز بالانىڭ تۋىستارى ونى جوقتاۋعا جينالعان كورىنەدى. تابىتتىڭ بەتىن اشىپ، سابيمەن قوشتاسپاق بولعان كەلۋشىلەردىڭ ءبىرى ونىڭ اقىرىن قيمىلداپ جاتقانىن بايقاعان. مۇنان كەيىن جۇرەك سوعىسىنىڭ بار ەكەنى انىقتالىپ، تۋىستارى قىزدى دەرەۋ اۋرۋحاناعا جەتكىزىپتى.
قازىرگى تاڭدا ناۋقاس ءسابي ءتىرى بولعانىمەن اۋىر حالدە ەم قابىلداپ جاتىر. ونىڭ اتا-اناسى بىلىكتى مامان ىزدەپ، ەلدى ارالاپ كەتتى.
جەرگىلىكتى پوليتسيانىڭ حابارلاۋىنشا، جۇما كۇنى قىز بالانىڭ قىزۋى كوتەرىلىپ، قاتتى اۋىرعاننان كەيىن جەرگىلىكتى اۋرۋحاناعا جەتكىزىلگەن. سەنبىدە دارىگەرلەر بالانىڭ جان ءتاسىلىم ەتكەنىن تىركەگەن. جەكسەنبى كۇنى اقتىق ساپارعا شىعارىپ سالماق بولعان.
اۆتور: رۋسلان عابباسوۆ
